2 John 1:1 - Hawaii Pidgin Bible

¹ I stay da older leada fo da church ova hea, an I stay write you jalike you my ohana, an you one auntie a da church peopo an dey yoa kids. God wen pick you guys, an I get plenny love an aloha fo you guys. Erybody dat know wat stay true get love an aloha fo you guys too. An I not da ony one,

2 John 1:1 ပူးပေါင်းရင်းမြစ်များ

Luke 1:3

An me, I wen check out real good all da stuff dat happen from da start. I figga dat I like write um down fo you one by one.

John 8:32

You guys goin know da true stuff, an den you guys no need be slave guys no moa.”

Jesus Guys 11:30

Dey do dat, an dey sen da gifs to da older leadas inside da church Judea side, an Barnabas an Saul take da money ova dea fo dem.

Rome 16:13

Give my aloha to Rufus. He one guy Da One In Charge wen pick fo shua. Same ting fo his muddah. She wen make jalike her my muddah too.

Galatia 2:14

But wen I see dat dem guys ack lidat, an no do wat da Good An True Stuff From God tell um fo do, I tell Peter in front all dem guys, “You one Jew. God tell us we no gotta stick wit da Jew Rules no mo fo get um right wit him. So you no live jalike one Jew no moa, but you live jalike one guy dass not one Jew. How come you like make da peopo dass not Jew guys live jalike dey Jews?”

Galatia 2:5

But we neva let dem change da way us tink, not even litto bit cuz we like da Good An True Stuff Bout Christ stay good fo you guys.

Galatia 3:1

You guys from Galatia, all jam up, da way you tink! Who wen put kahuna on top you guys?! From befo time you guys wen hear bout how odda guys kill Jesus Christ on top da cross fo mahke fo us, jalike us make one picha fo you see real good.

Galatia 5:7

Befo time, you guys stay do real good. Who wen throw you guys off fo you no lissen da trut?

Colosse 1:5

You guys stay lidat, cuz you guys know God get someting good fo you guys up dea wit him in da sky. Dass why you guys trus God, cuz you guys wen hear da Good An True Stuff From Him.

1 Timoty 2:4

He like take all da peopo outa da bad kine stuff dey stay do, an he like dem come fo know da true stuff.

Hebrews 10:26

But you know, even afta we know da true stuff from God, an if we stay do da bad kine stuff still yet cuz we like, den no mo sacrifice fo hemo da shame fo all da bad kine stuff we stay do.

1 Peter 1:2

God da Faddah wen pick you guys fo be his guys cuz he know you guys long time befo you was born. God Spirit wen make you guys spesho fo him fo you do eryting Jesus Christ tell you fo do. Jesus wen mahke fo you guys! Wen you guys do eryting Jesus tell you fo do, dass good. Dass jalike God sprinkle Jesus blood on top you guys fo show dat you stay spesho fo him. I like God do plenny good tings fo you guys an help you guys so notting bodda you.

1 Peter 5:1

You know, I one older leada guy, so I stay tell dis to you older leada guys too: I was dea wen Christ wen suffa, an I goin come togedda bumbye wit him wen erybody see how awesome he stay.

1 Peter 5:13

Da peopo dat come togedda fo church inside Babylon, dey tell you guys “Aloha.” Jalike you guys, God wen pick dem too. My boy Mark tell you guys “Aloha” too.

1 John 2:21

I stay write to you guys cuz you awready know wass true. You guys know dat if somebody bulai you, dass cuz dey no like you know wass true, aah?

1 John 3:18

My good frenz, no show love wit talk ony. You gotta show da kine love dass fo real, an do good kine tings fo erybody!

2 John 1:13

Yoa sistah church ova hea, da one God wen pick, her kids like tell you guys “Aloha.”

2 John 1:5

So now I tell you, sistah, all us guys gotta get love an aloha fo each odda. Dis not one new ting I stay write you dat you gotta do. Dis da ting God wen tell us guys from da start.

3 John 1:1

Gaius, my good fren, I da older leada fo da church guys ova hea, an I stay write to you. I get plenny love an aloha fo you fo real kine.