2 Corint 7:7 - Hawaii Pidgin Bible

⁷ Titus, wen he come from Corint, he make us guys feel real good. An you Corint guys wen make Titus feel real good befo he go way from dea. An dat good stuff Titus tell us make me feel even mo good inside. He tell us dat you Corint guys fo real kine like see me. An he tell dat you guys feel sorry bout wat wen happen befo time. An he tell how you guys like help me plenny in dis trouble I stay in. Az why I feel even mo good inside now.

2 Corint 7:7 ပူးပေါင်းရင်းမြစ်များ

Songs 141:5

If da peopo dat stay do wass right Slap my head, Dat show dey my frenz Dat stay tight wit me! If dey tell wat I do stay wrong, Dass good, jalike dey put Da bestes kine haku lei On top my head! All da time I stay pray Dat da bad guys no can do notting.

Songs 30:5

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Songs 38:18

But I goin tell you dis fo real kine: “I wen do bad tings. Now, I real sorry cuz a wat I wen do.”

Songs 51:1

Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Matthew 26:75

Den Peter rememba wat Jesus wen tell, “Befo da roosta crow, you goin tell three time you donno who me.” So den Peter go outside an come all hamajang an cry real hard.

Matthew 5:4

“Da peopo dat cry inside, Dey can stay good inside Cuz God goin kokua dem.

Luke 22:44

Jesus suffa plenny, an pray mo hard. He sweat jalike blood drip down on top da groun.

Jesus Guys 11:23

Wen he come, he see dat God wen do plenny good tings fo dem. He stay good inside, an give dem good kine words fo stay tight wit Jesus, Da One In Charge, an trus him bout eryting.

Rome 1:12

Dis mean, bumbye wen I go stay wit you guys, I like you guys give me good kine words cuz you guys trus God. An same ting, I goin give you guys good kine words cuz I trus him too jalike you guys.

1 Corint 5:2

An you guys get big head bout dat! Mo betta you guys come sad an shame, an throw out da guy dat stay make lidat.

2 Corint 1:14

Right now, you guys ony undastan litto bit bout us guys. But wen Da One In Charge, Jesus, come back, I know fo shua you guys goin undastan plenny. Den you guys goin talk big bout us, jalike we goin talk big bout you guys.

2 Corint 1:4

He give us good kine words weneva we get hard time, an cuz a dat, us can give good kine words to da odda peopo dat get any kine hard time. We give dem good kine words jalike God wen give us.

2 Corint 2:9

Az why I wen write you guys befo time fo see if you guys goin do da right ting, an do eryting I tell you fo do.

2 Corint 5:2

So us tink plenny bout how oua place inside da sky goin be. Goin feel good ova dea, jalike wen we put on new clotheses.

2 Corint 7:6

But God, he da One dat kokua da peopo dat feel sad inside, an he wen kokua us wen he sen Titus fo come by us.

2 Corint 7:8

Even if I wen make you guys feel sad wit da letta I wen write, I not sorry I wen write um. Fo shua I wen feel sorry dat time wen I find out dat my letta wen make you guys feel sad. But was ony fo short time I feel sorry.

2 Corint 8:16

But I tell God “Mahalo plenny!” cuz he wen make Titus like go all out fo help you guys, jalike me.

Philippi 1:20

I stay waiting real good fo dat fo happen. I stay shua dat notting goin make me come shame. I goin be strong, an I no goin come sked. Erytime peopo see wat happen to me, jalike befo time, I like dem see how awesome Christ stay, jalike befo time, no matta I stay alive o I mahke.

Colosse 2:5

Even if I stay far away from you guys, inside me, jalike I stay wit you guys. I stay good inside cuz wen I look you guys, you guys stay solid. Nobody can push you guys aroun cuz you guys trus Christ.

1 Tessalonika 3:6

But now, Timoty jus wen come back hea from see you guys, an he tell us guys all kine good stuff: dat you guys stay trus God, an you stay get love an aloha fo us guys. He tell dat you guys erytime no foget us an tink good bout us guys, an like see us guys, jalike we like see you guys too!

1 Tessalonika 3:8

Cuz you guys stay solid wit Da One In Charge, now us guys feel good inside, jalike we stay live to da max fo real kine!

Hebrews 2:1

Us guys gotta tink plenny bout all da stuff we wen hear fo us no foget um.

James 5:17

Elijah was jalike us guys. One time, he wen pray real hard an aks God fo go hold back da rain. An God wen hear him an do um. Dass why neva had rain ova dea fo three an a half year, dat time.

2 John 1:4

I wen feel real good inside cuz I wen find out dat get some a yoa kids dat stay stick wit da trut, jalike God da Faddah wen tell us fo do.

Jude 1:3

My frenz, I like write you guys real bad fo tell you guys mo bout how God take all us guys outa da bad kine stuff. But now, I gotta write you guys dis: God wen pass down da stuff he like tell da peopo dat stay spesho fo him. He do dis ony one time, an goin be lidis foevas. An dass da stuff you guys wen trus. An you guys gotta proteck dis trut dat he wen trus you fo keep.