2 Corint 7:5 - Hawaii Pidgin Bible

⁵ Wen us guys wen come Macedonia side, oua bodies all tired out. Us had trouble from eryting all ova, fighting on da outside, an real sked inside.

2 Corint 7:5 ပူးပေါင်းရင်းမြစ်များ

Start 8:9

But da dove no find one dry place fo go down, az why da dove go back by Noah inside da big boat, cuz still yet get flood watta all ova da groun. Noah put out one hand fo da dove come down fo bring um back inside da big boat.

Job 18:11

All aroun da bad guys, get stuff dat make um real sked, An dat bodda um ery step.

Isaiah 33:12

Da diffren peopos goin burn Jalike wen you pile up coral rock an wood An burn um slow fo make lime fo plasta. An jalike wen you cut down plenny thorn bush An dey burn real fas.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 45:3

“You tell, ‘Ho, man! I stay all jam up! Da One In Charge make me come mo an mo sore inside, so I stay hurt plenny! I stay real tired from moaning! I no can res!’ ”

Jeremiah 6:25

No go out inside da fields. No walk on top da roads. Cuz da guys dat come fo fight you get swords. Dey stay come from ery side, so stay real sked!

Jeremiah 8:18

Jeremiah tell, “I real sad! No way I can come good from dat! Inside, I come weak.

Jesus Guys 20:1

Wen da big beef pau, Paul tell da Jesus guys fo come by him. He give dem good kine words, an tell um aloha. Den he go Macedonia.

Rome 15:26

Cuz oua braddahs an sistahs Macedonia side an Akaia side wen give money fo kokua da pooa peopo Jerusalem side dat stay spesho fo God.

1 Corint 15:31

Same ting, ery day I stay shua dat I no sked mahke fo you! But I swea to God, my braddahs an sistahs, no bodda me if I mahke. I real proud a you guys, you know, cuz I stay tight wit Da One In Charge a us guys, Jesus Christ, da Spesho Guy God Wen Sen.

1 Corint 16:5

Afta I go thru Macedonia, den I like go by you guys. But firs, I gotta go Macedonia.

2 Corint 2:13

But I wen feel funny kine bout someting, cuz I no can find my braddah Titus ova dea. Az why I wen tell da Troas peopo aloha an den go Macedonia.

2 Corint 2:3

Az why I wen write befo time dat I not goin visit you guys yet, cuz I no like come all sad wen you guys da ones suppose to make me come good inside. I know fo shua I can stay good inside cuz all you guys da ones make me come good inside.

2 Corint 2:9

Az why I wen write you guys befo time fo see if you guys goin do da right ting, an do eryting I tell you fo do.

Galatia 4:11

I stay sked fo you guys, cuz I wen work hard fo you guys fo notting. Poho! Wase time all dis!

Rules Secon Time 32:25

Outside on da street, Goin get war dat goin wipe out dea kids. An even inside dea houses, Dey goin come real sked. Same ting fo da young guys an young wahines, Da bebes an da ol guys, Dey goin mahke too.

1 Tessalonika 3:5

Wen I wen feel real sad cuz I no can see you guys, I wen sen Timoty ova dea fo find out if you guys stay trus God still yet. Cuz I wen worry, an I stay figga, “Satan try fo make all us guys do bad kine stuff. An if my Tessalonika braddahs an sistahs lissen Satan, den dey goin do wat he like dem fo do. Den bumbye all da kine hard work us guys wen do was good fo notting.”