2 Corint 4:8 - Hawaii Pidgin Bible

⁸ Us get plenny presha from all ova, but us guys still can handle. We no undastan eryting, but we no give up.

2 Corint 4:8 ပူးပေါင်းရင်းမြစ်များ

Songs 129:2

Da Israel peopo tell, “Az right! From da time us guys Come one nation, All da time peopo Presha us guys plenny! But dey neva ovathrow us!

Songs 37:33

But Da One In Charge no goin let Da bad guys take ova da good guys. Even if da good guys gotta go In front da judge, Da One In Charge no goin let notting bad happen to dem.

Smart Guys 14:26

Wen you get awesome respeck fo Da One In Charge, You know notting bad goin happen to you, An yoa kids goin stay wea nobody can hurt um.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

John 14:18

“I no goin leave you guys all alone. I goin come back by you guys.

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.

2 Corint 12:10

So den, no bodda me. I still stay good inside, wen I no can handle, wen peopo try make me come shame, wen I get hard time, wen peopo make me suffa, an wen I get plenny presha. All dis stuff happen cuz me, I one Christ Guy. Wen I no can handle, den I get da powa fo handle cuz a him!

2 Corint 6:12

We wen give you guys love an aloha, but you guys no give us love an aloha.

2 Corint 6:4

But eryting us guys do, cuz we God worka guys, we like show dat us da fo real kine worka guys fo God. Us guys can handle, no matta dey give us trouble, you know. Us guys get hard time an us get plenny presha.

2 Corint 7:5

Wen us guys wen come Macedonia side, oua bodies all tired out. Us had trouble from eryting all ova, fighting on da outside, an real sked inside.

Galatia 4:20

I like come ova dea wit you guys right now an talk mo nice kine to you. But right now, I not shua bout you guys.

1 Samuel 28:15

Samuel tell, “How come you stay bodda me an bring me up hea?” Saul tell, “I get plenny presha! Da Filisha guys stay fight me. Jalike God tell ‘Laytas’ to me an no lissen you! He no talk to me no moa, no matta I aks da guys dat talk fo him, o I dream. Az why I wen call fo you fo tell me wat fo do.”

1 Samuel 30:6

David get trouble big time. All da guys stay piss off an huhu inside cuz a dea boys an girls. Dey start fo talk fo throw big rocks at David fo kill um. But David stay tight wit Da One In Charge, his God, an he stay strong inside still yet.

1 Samuel 31:4

Saul tell da guy dat carry da tings he use fo fight, “Grab yoa sword an stab me! If dese buggahs dat donno God come hea, dey goin make any kine to me wen dey stab me!” But da guy dat carry his stuff fo fight no like kill him. Da guy real sked, az why. So Saul take his sword, an throw his body down on top um so da sword go thru his body.