2 Corint 3:14 - Hawaii Pidgin Bible

¹⁴ Da Israel peopo was hard head. Even now wen dey read inside da Bible bout da Deal from befo time dat God wen make, jalike dey get one cova ova dea head. Dat make um so dey no can undastan. Ony Christ can hemo dat cova fo make um lissen an undastan!

2 Corint 3:14 ပူးပေါင်းရင်းမြစ်များ

Songs 69:23

Make dea eyes come blind Fo no see notting. Make dea body come All weak an shaking.

Isaiah 25:7

An on top dis mountain too, Da One In Charge goin do dis Fo all da diffren peopos inside all da countries: He goin take away da sore dey get inside, An make um know wass fo real. Cuz still yet, jalike dey all get cova ova dea head, An Da One In Charge goin take away dat cova.

Isaiah 44:18

Dat kine peopo, dey donno notting. Dey no undastan notting. Jalike Da One In Charge put plasta ova dea eye So dey no can see notting An dey no can tink good.

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Isaiah 59:10

We ack jalike guys dat no can see. We gotta touch da walls like peopo dat no mo eye. Noon time, we trip an almos fall down jalike almos dark. Wen we stay wit da strong guys, We feel jalike da mahke guys.

Isaiah 6:10

Make dem so dey no can tink good, Make dem so dey no can hear good, An shut dea eyes so no can see good. I no like fo dem see wass happening, I no like fo dem start fo lissen, An fo tink good. Cuz if dey wen change, Den dey goin come good. But dey no goin change.”

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Ezekiel 12:2

“Eh! Fo Real Kine Guy! You live wit one peopo dat erytime go agains me. Dey get eyes fo see, but dey no see, an ears fo hear, but dey no hear, cuz dey erytime go agains me.

Matthew 13:11

He tell, “God let you guys know all da stuff bout how he stay king in da sky. But da odda guys, he no let dem know all dat kine stuff.

Matthew 16:17

Jesus tell, “Eh, John boy Simon! You goin stay good inside cuz you know dat. No mo nobody from dis world wen teach you dat. Was my Faddah in da sky wen teach you dat.

Matthew 6:23

But if da eye no good, dat mean, da guy stay all dark inside. He one greedy buggah! Eh, if no mo light inside you, you stay all dark inside fo shua!

John 12:40

“God make um fo dem no see, An make um hard head, Az why dey no like see wit dea eyes, No like undastan wit dea head, No like change an come by me. Az cuz dey no like fo me Make um come good.”

John 12:46

I wen come inside da world fo da peopo know da trut, jalike me da light fo dem. An whoeva trus me, dey goin know da trut. Dey no goin stay jalike dey dark inside an donno notting.

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

Jesus Guys 13:15

Da Jew leadas read from da Rules From God, an from wat da guys dat talk fo God befo time write down inside da Bible. Den da Jew leadas sen guys fo tell Paul dem, “Braddahs, if you get good words fo da peopo, try tell us.”

Jesus Guys 15:21

“Cuz da Rules Moses wen write down, get peopo teach dat stuff in all da towns from long time befo time, an dey read um in all da Jew churches ery Res Day.”

Jesus Guys 16:14

One wahine Lydia lissen dem. She come from Tyatira town an sell da expensive purple cloth. All da time she pray to God. Da One In Charge, Jesus, open up her heart, an she trus wat Paul tell.

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Rome 11:25

Braddahs, dis someting you guys gotta know dat was secret befo time. If you undastan um, den you no goin get big head cuz you tink you smart. Dis da secret: Da Israel peopo wen come hard head an neva like trus God, but dey no goin be lidat foeva. Bumbye wen all da peopo dass not Jew guys trus God, den da Jew guys goin trus um too.

2 Corint 3:15

Even now, weneva da Jew guys read wat Moses wen write, dey lissen. But dey no undastan! Az cuz dey no lissen good, jalike dey get one cova dat jam up how dey tink.

2 Corint 3:6

God da One wen make us da kine worka guys dat tell peopo bout da New Deal From God. Dat New Deal From God, dat no mean us gotta stay tight wit some rules! Us gotta stay tight wit God Spirit! Dass da New Deal From God. If you ony stay tight wit da Rules, az jalike you stay mahke inside, an you no mo da real kine life dat goin stay to da max foeva! But if you stay tight wit God Spirit, you goin live fo real kine!

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

Efesus 4:18

Dey ony hard head. Az why dey donno notting. Dey no undastan notting, jalike dey try fo see inside one dark place an no can see. Dass why dey no stay tight wit God, an dey get cut off from God foeva.