2 Corint 2:7 - Hawaii Pidgin Bible

⁷ So now, let um go an no stay mad at him. Talk nice to him. No good da guy come bum out an give up cuz he awready come real sad cuz a you guys.

2 Corint 2:7 ပူးပေါင်းရင်းမြစ်များ

Songs 124:3

An come real mad wit us, Den, jalike dey wen eat us alive. But dat neva happen.

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.

Songs 57:3

I like fo God reach down from da sky Fo get me outa trouble. If somebody like make any kine to me, I like God make um come shame. (Time out fo da music.) I like fo God stay tight wit me Cuz I his guy An he erytime do Wat he tell he goin do.

Smart Guys 1:12

No matta dey alive, we take um, brah, Jalike da Mahke Peopo Place take da mahke peopo. No matta dey feel good, we take um out, Jalike dey fall down inside one big hole.

Smart Guys 17:22

Wen you feel jalike you like dance an sing inside, Dass good medicine fo yoa body. But wen you stay sad inside, Jalike yoa body all jam up.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

1 Corint 15:54

Dat time, da body dat come rotten goin come diffren kine, an no goin come rotten fo shua no moa! Dat body dat mahke now goin come diffren kine, an no goin mahke no moa! Wen all dis happen, goin happen jalike da Bible tell from befo time: “Us guys no goin mahke no moa, Cuz Christ, he da winna ova dat!”

2 Corint 2:8

Dass why I beg you guys, come togedda an make shua da guy know how plenny love an aloha you get fo him.

2 Corint 5:4

Us stay ova hea inside dis world, an us moan an come bum out, cuz us get hard time. Us guys no like be naked, but us like put on new kine clotheses—not importan get rid a da boros kine. Not importan us goin mahke. Main ting, us guys goin come alive fo real kine!

2 Corint 7:10

Wen we sorry da way God like fo us come sorry, den we no do da bad kine stuff we stay do befo time. We goin do diffren den befo time. Dat goin make us come outa da kine bad stuff we stay do, an den we no need worry bout um no moa. But wen we sorry da way da peopo inside dis world sorry, an not da way God like fo us come sorry, den we goin come wipe out.

Efesus 4:32

Mo betta make nice nice to each odda. Show pity an aloha to each odda. Let each odda go, jalike God let you guys go cuz a wat Christ wen do.

Philippi 2:27

Da guy was sick fo shua—he litto mo mahke. But God get pity fo him, an give him chance fo come good. An God get pity fo me too, so I no come all sore inside—eh, you know, I stay plenny sore inside awready.

Colosse 3:13

No let odda peopo bodda you how dey ack. Wen somebody give you problem, eh, let um go, an no stay huhu wit dem. Da One In Charge wen let you guys go, fo you make jalike him an let dem go too.

1 Tessalonika 4:13

Eh, my braddahs an sistahs! We like you guys know da trut bout God peopo dat stay mahke awready. Den you guys no need feel real sore inside, jalike da odda peopo feel dat no stay shua bout wat God goin do bumbye.

2 Tessalonika 3:6

Eh my braddahs an sistahs! Da One In Charge a us guys, Jesus, he God Spesho Guy, an us guys we his guys. Dass why us guys get da right fo tell you guys: No hang aroun wit all yoa braddahs an sistahs dat no like work, cuz dat mean dey no like do da stuff we wen pass on to dem from befo time fo dem do.