2 Corint 12:2 - Hawaii Pidgin Bible

² I know one guy dat stay tight wit Christ. Fourteen year ago somebody wen bring him up inside da mos high part a da sky. I donno if he wen stay inside his body o outside his body, but God know.

2 Corint 12:2 ပူးပေါင်းရင်းမြစ်များ

1 Kings 18:12

But afta I leave you, I donno wea God Spirit goin pick you up an bring you. If I go tell Ahab dat you stay hea, an he no can find you hea, he goin kill me! No matta I yoa slave guy, an I get awesome respeck fo Da One In Charge from small kid time.

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

2 Kings 2:16

Dey tell, “Look. Us guys stay yoa worka guys, an we get fifty strong guys hea. Try let um go an look fo yoa boss. Maybe da Spirit from Da One In Charge wen pick him up, an put him down on top one mountain, o inside one gulch.” Elisha tell, “Nah. No need sen dem.”

Songs 148:4

Jalike da peopo tell good tings Bout Da One In Charge, Az good, fo da mos high parts a da sky Do da same ting too! An same ting fo all da watta Dat stay ova da sky!

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Ezekiel 11:24

God Spirit lif me up an take me by da Israel peopo dat stay prisonas Babylon side, inside da dream I get from God Spirit. Den dis dream I see disappea.

Ezekiel 43:5

Den God Spirit make me stan up an bring me inside da inside open lanai. An da strong light from da awesome God Da One In Charge shine an fill up da Temple.

Luke 24:51

Same time wen Jesus stay tell God fo do good tings fo dem, he start fo go up inside da sky.

John 6:56

Whoeva eat my body an drink my blood lidat, dey stay tight wit me, an I stay tight wit dem.

Jesus Guys 14:6

Wen da guys Jesus wen sen all ova hear dat, dey bag to Lystra an Derbe towns, Lycaonia side, an all da place aroun dea.

Jesus Guys 22:17

“I go back Jerusalem, an I stay pray inside da temple. I see someting jalike one dream, an see Da One In Charge talking.

Rome 16:10

Give my aloha to Apelles. Da tings dat wen happen to him, dass jalike one tes fo show proof dat he stay tight wit Christ fo real kine. Give my aloha to Aristobulus ohana.

Rome 16:3

Priscilla an Aquila, give um my aloha. Me an dem, us wen work togedda plenny cuz we stay tight wit Jesus Christ.

Rome 16:7

Same ting fo Andronicus an Junias. Dey Jew guys jalike me an dey wen trus Christ befo me. Dey was lock up same time wit me. From all da guys dat God wen sen all ova, dey da ones erybody know.

Rome 16:9

Same ting fo Urbanus, he wen work togedda wit us guys cuz he stay tight wit Christ. An same ting fo Stakys. I get love an aloha fo him.

Rome 8:1

So den, God no goin punish da peopo dat stay tight wit Jesus Christ!

1 Corint 1:30

You guys know how come you stay tight wit Jesus Christ? Az cuz God like um fo be lidat, dass why! God, he make Jesus da One fo make us guys know wat fo do erytime. An Jesus make us get um right wit God, an stay spesho fo God, an hemo us guys from da powa da bad kine stuff wen get ova us!

2 Corint 11:11

How come I tell dis? You guys tink I no mo love an aloha fo you guys, o wat? God know I get plenny love an aloha fo you guys.

2 Corint 13:5

Look inside you fo make shua you guys trus Christ fo real kine. Check out real good how you stay. You guys donno dat Jesus Christ stay tight wit you guys, o wat? If he no stay tight wit you guys, den you not his guys. But dass not how stay fo you guys! Dass da tes, you know!

2 Corint 5:17

Dass why, whoeva stay tight wit Christ, dey one new guy. Da ol tings no stay no moa! Look! Da new tings stay come!

2 Corint 5:21

Christ, he neva do notting bad, but God wen make him take inside him all da bad kine stuff us guys wen do. God wen do dat fo us guys come pono, jalike God stay pono. Dass wat Christ wen do.

Galatia 1:22

Da church peopo Judea side, dey neva know me.

Galatia 5:6

Wen us stay tight wit Jesus Christ, no matta us cut skin o no cut skin, main ting, we gotta trus God, an show plenny love an aloha fo God an odda peopo.

Efesus 4:10

Da One dat come all da way down to da earth, he da same One dat go all da way up inside da sky. He go mo high den da sky fo show he da King fo eryting.

Rules Secon Time 10:14

“You know, oua God, dass Da One In Charge a us, own eryting inside da sky, even da mos high place inside da sky! He own da earth an eryting inside um!

1 Tessalonika 4:17

Afta dat, God peopo dat stay alive dat time an still stay hea, he goin take all us guys up dea inside da clouds, togedda wit dem odda peopo, fo give oua aloha to Da One In Charge, up dea inside da sky. An az how us guys goin stay wit Da One In Charge foeva!

Hebrews 4:14

Kay den. Now us guys get Jesus. He God Boy, an he da bestes Main Pries Guy dat eva get. He wen go awready all da way back up inside da sky wea God stay! Az why all us guys dat tell we trus Jesus, we gotta hang in dea an no give up fo trus him.

Hebrews 9:24

You know, had one place dass spesho fo God dat da peopo wen make, dat was ony one copy a da real ting. But Christ neva go inside dat place dat da peopo wen make. He go wea God stay fo real kine inside da sky, an now he stay wea God stay fo help us guys.

Jesus Show 1:10

One Sunday, da day fo Da One In Charge, God Spirit take ova me. An I wen hear one loud voice behind me, dat soun jalike one trumpet.

Jesus Show 12:5

She born one boy. He goin be da King fo lead all da diffren peopos on top da earth. He goin carry one king kine stick dat get iron on top fo show he in charge. But God grab up da boy an bring um to God an to God throne.

Jesus Show 4:2

Right den an dea, God Spirit take charge a me. In front me, up dea inside da sky, get one throne, an somebody stay sit on top da throne.