2 Corint 11:4 - Hawaii Pidgin Bible

⁴ Erytime somebody show up an teach you guys bout one diffren kine Jesus, an dass not da same Jesus we wen tell you guys bout, how come you guys trus dat guy? You guys wen let da Good An Spesho Spirit take ova you befo time. So how come you guys let one diffren kine spirit take ova you now? You wen trus da Good Stuff From Christ befo time, so how come you guys trus one diffren kine teaching now?

2 Corint 11:4 ပူးပေါင်းရင်းမြစ်များ

Mark 7:9

An he tell um, “You guys jalike da sly mongoose, aah?! You guys know how fo dump da Rules From God, fo you guys stick wit wat some peopo wen teach you long time befo time.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”

Rome 8:15

Wen you guys get God Spirit in charge a you, God Spirit no goin make you guys live jalike slaves dat gotta stay sked all da time. Az how was befo time. Wen you get God Spirit in charge a you, you know you stay God kids! Az why he goin lissen wen we yell out, “Daddy!”

1 Corint 3:11

No can make any kine foundation, cuz ony get one foundation fo life—dass Jesus Christ. God awready put him dea.

2 Corint 11:1

Eh, I like you guys try lissen wat I tell, no matta if I talk litto bit lolo kine. Try lissen!

2 Corint 2:12

Dat time, I wen go Troas, an Da One In Charge wen let me teach da Good Stuff From Christ ova dea.

Galatia 3:2

I like you guys tell me one ting: How you guys wen get God Spirit? Was cuz you guys do wat da Rules tell you fo do?! O was cuz you guys wen trus da Good Stuff From God dat you guys wen hear? Fo shua, was cuz you guys trus da Good Stuff From God!

1 Timoty 1:3

I stay tell you now, jalike I wen tell you wen I wen go way from you befo time, an wen go Macedonia side: Stay ova dea inside Efesus town. Get guys ova dea dat teach da kine stuff dass not right. Tell um, “You guys betta not teach lidat!

1 Timoty 2:5

Ony get one God. Ony get one Guy dat stay in da middo fo talk to God an to da peopo. He da Spesho Guy God Wen Sen Dass Jesus!