2 Corint 10:13 - Hawaii Pidgin Bible

¹³ We no goin talk big bout someting we neva do. We ony goin talk big bout da job God wen give us fo do. Wat we wen do fo you guys, God wen tell us fo do dat.

2 Corint 10:13 ပူးပေါင်းရင်းမြစ်များ

Songs 19:4

Da tings da sky tell, Peopo all ova da world awready know bout um. Ery place on top da earth, Da peopo awready hear wat da sky tell. Da sun, he stay inside da sky. Dass wea God wen put up one tent fo him.

Smart Guys 25:14

Da kine guy dat talk big Bout one present he like give you, An den he no give, he ony bulai, He jalike cloud an wind dat no mo rain.

Isaiah 28:17

Fo tes you Jerusalem peopo, I goin look fo see if you stay judge da right way An if you do wass pono erytime, Jalike da builda guys use one strong string Fo measure tings, An dey pull anodda string Fo check out if da building stay strait. You guys tink you can bulai da Assyria army guys Fo dem no hurt you. You tink you get one place fo hide Wen da army guys come Jalike da big watta. But no way you can bulai dem! No mo no place you can hide!

Matthew 25:15

He put one guy in charge a five bag money, anodda guy two bag money, an anodda guy one bag money, cuz he know how much all dem can handle. Den he go way.

Rome 10:18

Wat you tink? You guys tink da Israel peopo neva hear notting, o wat? Fo shua dey wen hear someting! Jalike da Bible tell befo time: “All ova da world, get peopo dat wen hear da Good Kine Stuff. Da tings dey tell, go all ova da world fo peopo hear.”

Rome 12:3

An cuz God wen do plenny good tings fo me, az why I stay tell all you guys dis: No tink you mo importan den who you fo real kine! Mo betta you figga who you fo real kine. Erybody gotta wise up fo figga how God wen make who you cuz you trus him.

Rome 12:6

Stay lidis: God give all us guys da powa fo do diffren kine tings cuz he like do good tings fo us. So, if God give you da powa fo talk fo him, an you trus him plenny, go talk plenny fo him.

Rome 15:20

From befo time, I tink lidis: “Fo real kine I like tell bout Christ to da peopo dat neva hear da Good Stuff Bout Him!” I no like tell da Good Kine Stuff Bout Christ wea odda peopo stay tell bout dat awready.

1 Corint 12:11

Da same Spirit, he do all dis. He give erybody da powa fo do da ting dat he like dat guy fo do.

Efesus 4:7

You know wat? Christ give powa to all us guys fo us do wat Christ like us fo do.

1 Peter 4:10

Erybody get one gif dat God wen give um fo use fo help each odda. We gotta use um good cuz God stay give us all kine good stuff.