2 Corint 10:12 - Hawaii Pidgin Bible

¹² Get peopo dat tell erybody dat dey get um. But us guys no goin tell us jalike dem, o tell us same same jalike dem. Dose guys, dey ony look at odda guys jalike dem, an dey tink dey stay get um jalike dem. Wen dey ack lidat, dey no undastan notting.

2 Corint 10:12 ပူးပေါင်းရင်းမြစ်များ

Job 12:2

“Fo shua you guys talk fo all da peopo. An you guys tink dat afta you mahke, no mo nobody goin know wat fo do erytime!

Smart Guys 25:27

Wen one guy ack big head Fo show he importan, Dat show he not importan. Jalike da guy eat mo honey den he need.

Smart Guys 26:12

Mo easy, fo teach one dumb buggah Dat no like learn notting, Den fo teach one guy Dat tink he know wat fo do erytime, But yet he donno.

Smart Guys 27:2

Mo betta you let somebody you donno talk big bout you, An not you. Mo betta you let somebody from anodda place Tell good tings bout you, So you no need say notting.

Luke 18:11

Da Pharisee guy stan up an pray ony fo him lidis, ‘God, mahalo plenny dat I no stay jalike da odda guys, da guys dat steal, no do da right ting, fool aroun da odda guy wife, an even jalike dis guy hea dat colleck tax money.

Rome 15:18

I no even talk bout odda kine stuffs. I ony talk bout da tings Christ wen give me da powa fo do fo him. Da diffren peopos lissen Christ now, cuz a da tings I wen tell an do.

2 Corint 10:11

Dese guys gotta figga lidis: Da lettas we write wen us no stay dea, an how we ack wen we stay dea, same same.

2 Corint 10:18

You talk big bout ony you, dat no goin make Da One In Charge tell, “Dis guy get um.” So den, who get um? Da guy Da One In Charge talk good bout, he da one get um!

2 Corint 3:1

If you guys tink we start fo talk big bout us some moa, us not! You guys tink us need write lettas fo give you guys, o need lettas from you guys fo tell dat we good guys, o wat?! Da odda guys need um, not us!

2 Corint 5:12

We no try fo make you guys tink us look good one mo time. No need! We tell you guys all dis so you can talk good stuff bout us an no mo shame. We like you guys know wat fo tell dem guys dat talk good ony bout da kine tings dey can see. But dey no talk notting bout wat dey stay tinking inside!