1 Timoty 6:6 - Hawaii Pidgin Bible

⁶ You know, if we do stuff fo God how he like, an stay good inside, den we goin come rich inside.

1 Timoty 6:6 ပူးပေါင်းရင်းမြစ်များ

2 Kings 6:2

Mo betta us go da Jordan Riva, wea erybody can cut one beam fo build one place ova dea fo us guys live.” Elisha tell, “Go do um.”

Songs 37:16

No matta da guys dat do wass right Get ony litto bit stuff, Dass still mo betta Den all da stuff da bad guys get.

Songs 84:11

Cuz oua God, Da One In Charge, He show us guys wea fo go Jalike wen da sun shine. An he proteck us guys Jalike one shield. He like do plenny fo us guys, An he make us come mo awesome. Da One In Charge, He no goin hold back notting good From da peopo dat stay do wass right.

Outa Egypt 2:21

Dass how Moses wen start fo live wit da pries guy. Laytas, Reuel give his daughtah Zipporah to Moses fo marry.

Smart Guys 15:16

If you ony get litto bit stuffs, But you get awesome respeck fo Da One In Charge, So dat you stay sked a him. Dass mo betta den wen you get plenny stuffs But yoa head stay all jam up.

Smart Guys 16:8

If you ony get litto bit stuffs, But you stay do da right ting, Dass mo betta den wen you make plenny money An no do wass right fo peopo.

Smart Guys 28:25

Da greedy guys, Dey da ones make erybody like fight. But da guys dat stay trus Da One In Charge, He goin make eryting come real good fo dem.

Jeremiah 35:9

We no build house an live inside um, o plant grape farms, o fields, o throw seed fo food.

Luke 12:15

Jesus tell da peopo, “Watch out! Make shua you no try get eryting fo ony you, cuz if you get plenny stuffs, dat no mean you goin live fo real kine!”

Luke 3:14

Some army guys tell him, “An wat us gotta do?” He tell, “No push nobody fo give you guys money. No tell nobody dey get da blame fo someting dey neva do. Stay good inside wit da kine pay you get.”

Rome 8:28

Us guys know dis too: God make eryting come out all good fo da peopo dat get love an aloha fo him. God da one wen pick dem fo do wat he like dem fo do. An God get dis plan from befo time wen he tell um, “Go come! Be my guys!”

2 Corint 4:17

We get plenny big time trouble now, but you know wat? Wen we tink bout how awesome us goin come to da max foeva, den we know all dat trouble ony manini kine!

Philippi 1:21

Da way I see um, if I stay alive, I stay tight wit Christ, an if I gotta mahke, I stay live wit him foeva, an dass even mo betta!

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.

1 Timoty 6:8

If we get food an clotheses, az enuff fo us, an we still yet stay good inside.

Hebrews 13:5

Try live so you no mo plenny love fo money. Stay good inside bout da stuff you get awready. Cuz God da One tell, “No way I eva goin leave you! No way I goin bag from you!”