1 Timoty 5:4 - Hawaii Pidgin Bible

⁴ But if one widow get kids o grankids, da kids suppose to know how fo show respeck in front God fo da widows in dea ohana. Now da kids suppose to take kea dea muddah guys an dea granmuddah guys too, jalike how da muddah an granmuddah guys wen take kea dem small kid time. Dass how God like.

1 Timoty 5:4 ပူးပေါင်းရင်းမြစ်များ

Start 47:12

Joseph even take kea his faddah an his braddah guys, an all da ohana peopo dat come from his faddah. He give um food ova an ova fo dem no mahke.

Start 47:28

Jacob live Egypt side seventeen year. He mahke wen he was 147 year ol.

Job 18:19

Da bad guys no mo kids, an no mo ohana come from dem. No mo nobody stay alive wea dey wen stay befo time.

Smart Guys 31:28

Da kids go tell erybody, “Oua muddah, She erytime do good tings! Az why she stay good inside.” Her husban, he tell erybody she da bestes too.

Isaiah 14:22

Da One In Charge, Da God Ova All Da Armies, he da One tell dis: “Az me, dat goin stan up an fight Agains da Babylon king guys. Bumbye, nobody goin even rememba Da name a da Babylon peopo. No mo no Babylon guys goin stay, Same ting fo dea kids An da ones dat come from dea kids.” Az how goin be, Da One In Charge, Da God Ova All Da Armies, tell.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

1 Timoty 2:3

Dat stay good, an dass wat God like. He da One dat take us outa da bad kine stuff.

1 Timoty 5:16

If get one wahine dat trus God, an she get widows inside her ohana, she gotta kokua dem. No good da church guys do dat. Mo betta da church guys kokua da widows dat no mo ohana notting.

Titus 1:11

Eh! Gotta stop um fo no talk lidat no moa. Cuz ery house dey go, dey jam up erybody dea wit da kine tings dey teach. Dey teach da kine tings dey not suppose to teach. An dey not even shame fo charge money fo teach lidat.

Local Leadas 12:14

He get forty boys an thirty boy grankids. Dey ride seventy donkeys. He lead da Israel peopo eight year.

Ruth 2:18

She take da food back Betlehem town. Her muddah-in-law see how plenny she wen pick up. Ruth give her da stuff from lunch time too dat she no can eat.

Ruth 2:2

One time, da Moab wahine Ruth tell Naomi, “Eh, try let me go da fields fo go behind da worka guys an pick up da extra barley dat dey no pick up. Maybe get somebody dat make nice to me an let me do dat, cuz da Rules from God tell az good.” Naomi tell her, “Kay den. Go.”