1 Timoty 5:11 - Hawaii Pidgin Bible

¹¹ An all da younga widow guys, no write dea name on top da church lis too. Bumbye, dey goin tell “Laytas” to Christ, an like marry somebody one mo time,

1 Timoty 5:11 ပူးပေါင်းရင်းမြစ်များ

Isaiah 3:16

Anodda time, Da One In Charge tell dis: “Cuz da wahines inside Jerusalem, Dey ack high makamaka, Dey walk an hold up dea neck sexy kine. Dey check out guys wit dea eye. Dey walk jalike dey fashion models. Dey wear jangly kine jewel on top dea feets an ankles.

Hosea 13:6

Wen I wen feed dem, dey get full. Wen dey full, den dey ack high makamaka. Dass how dey foget me.

Rules Secon Time 32:15

But Jeshurun, az da Israel peopo Dat stay do wass right, Dey wen come real fat an do Ony wat dey like do. Eh, I stay talk bout you Israel peopo! You guys eat too much an come real fat. You wen bag from da God dat wen make you. Da One dat stay solid jalike one big stone Da One get you guys outa trouble, But you guys tink he stupid, an bag from him.

1 Timoty 4:3

Da bulaia guys tell peopo dey no can marry, an no can eat dis kine food o dat kine food. But eh, you know, God wen make all kine food fo eat fo us guys dat trus him an know wass true, cuz we eat um an tell him “Mahalo plenny!” fo da food.

1 Timoty 5:12

an broke dea firs promise to God. Den dey get da blame cuz dey make lidat.

1 Timoty 5:14

Az why I figga, mo betta fo da younga widows marry one mo time, an get kids, an take kea dea ohana. Den da peopo dat stay agains us no can talk stink.

1 Timoty 5:9

No write one widow name on top da church widow lis till she sixty year ol. Make shua she wen stay tight wit one husban.

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!

2 Peter 2:18

Dese guys talk big, but dey no tell notting. Dey talk lidat cuz dey like bulai peopo fo make um do any kine wild sex dea body like. An dey go afta peopo dat start fo go back da right way, cuz dey like run away from da ones dat live da wrong way.

Jesus Show 18:3

Da Babylon peopo, jalike dey one wahine, An all da diffren peopos all ova da world, Jalike dey fool aroun wit her. She make um do any kine, Jalike she make um drink too much strong wine Fo make um come real piloot! Da kings inside da world wen fool aroun wit her too. An da trader guys all ova da world Wen come rich from all kine rich stuffs Dat Babylon get from dem fo ony her.”

Jesus Show 18:7

Jalike da Babylon wahine make um so she look plenny awesome, An da peopo dea stay good inside, Cuz dey get all kine rich stuffs, Make um suffa an come all sore inside. Da Babylon wahine talk big inside lidis, ‘I stay on top my throne jalike one queen. I not one widow. An I no goin eva come sore inside an cry!’

Jesus Show 18:9

Az why da kings from all ova da world dat wen fool aroun wit da Babylon peopo, an dat wen do any kine bad kine stuff wit dem, dey goin see da smoke from da fire dat stay burn dat town. Dey goin cry an come sad inside.