1 Timoty 3:2 - Hawaii Pidgin Bible

² Da main leada guy gotta do eryting da right way fo nobody poin finga him. He stay tight wit his one wife. He know how fo hold back wen he gotta hold back. He know how fo ack erytime, an he get one good rep fo do da right tings. He know how fo make peopo feel real good wen dey come his house. He know how fo teach peopo stuff.

1 Timoty 3:2 ပူးပေါင်းရင်းမြစ်များ

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Luke 2:36

Had one ol wahine Anna dea dat talk fo God. She Fanuel girl, from da Asher ohana. She wen stay marry seven year,

Rome 12:13

Use wat you get fo kokua da peopo dat stay spesho fo God wen dey need kokua. Wen peopo from anodda place come by you, make shua you take kea dem wit aloha.

Philippi 2:15

Den nobody can poin finga you guys cuz you guys ony do good kine stuff. Fo real, you guys God kids! Erybody all aroun you guys stay crooked an all jam up. But you guys, you diffren. You erytime do wass right, hea inside da world. Dass jalike da stars dat shine no matta stay dark all ova.

1 Timoty 3:12

Da helpa guys stay tight wit dea one wife. Dey gotta handle dea kids an dea ohana da right way.

1 Timoty 3:8

Da helpa guys fo da church, same ting. Dey gotta be solid kine peopo fo da odda peopo get respeck fo dem, an dey gotta mean wat dey tell. Dey betta not drink plenny an do shame kine stuff cuz dey greedy.

1 Timoty 4:3

Da bulaia guys tell peopo dey no can marry, an no can eat dis kine food o dat kine food. But eh, you know, God wen make all kine food fo eat fo us guys dat trus him an know wass true, cuz we eat um an tell him “Mahalo plenny!” fo da food.

1 Timoty 5:10

An make shua erybody tell she wen do good kine tings, an take kea her kids. Find out if she wen let peopo she donno from far away come her house fo stay short time, an if she wen wash da dirt off da feet fo da peopo dat stay spesho fo God. Make shua she wen help da peopo dat get hard time, an wen go all out fo do all kine good tings. Den can put her on da lis.

1 Timoty 5:22

No rush an put yoa hands on top somebody fo show you wen pick um fo go work fo God, if you neva check um out real good firs. If you neva, you goin tell “dass good” bout da bad kine stuff da guy stay do. Make shua you stay clean inside.

1 Timoty 5:9

No write one widow name on top da church widow lis till she sixty year ol. Make shua she wen stay tight wit one husban.

2 Timoty 2:24

But wen one guy work fo Da One In Charge, he not suppose to like make argue, you know. He suppose to make nice wit erybody, an be one good teacha, an no stay huhu wit odda peopo.

Titus 2:2

Tell da older guys inside da church, dat all dem gotta stay in charge a wat dey do. Tell um fo be solid kine guys, fo da peopo get respeck fo um. Tell um fo be da kine guys dat tink bout wat dey goin do befo dey do someting. Dey gotta trus God, get love an aloha fo God an erybody, an hang in dea.

Hebrews 13:2

No foget fo show aloha to peopo from anodda place fo tell um come yoa house. Cuz some a oua braddahs an sistahs wen show aloha lidat, an dey neva know was angel guys dat wen come dea house.

Hebrews 3:14

You know, God make all us guys stay tight wit Christ. But we gotta hang in dea an go all out fo trus God, jalike wen we wen trus him da firs time.

1 Peter 4:7

Da time wen eryting goin come pau goin come pretty soon. So you guys, use yoa head, an watch out how you ack, fo you pray good.

1 Peter 4:9

Give da peopo from anodda place one place fo stay an no grumble bout um.

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.