1 Timoty 3:11 - Hawaii Pidgin Bible

¹¹ Da wahines dat help in da church, same ting. Dey gotta be solid kine peopo. Dey no talk bad bout odda peopo. Dey no drink plenny cuz dey gotta know how fo ack. Can trus um bout eryting.

1 Timoty 3:11 ပူးပေါင်းရင်းမြစ်များ

Songs 101:5

Anybody go talk bad bout his fren, So da fren no can hear wat he tell, I goin wipe out da guy dat talk bad. Anybody tink dey it An odda peopo ony junk, I had it wit dem too.

Songs 15:3

Dey no talk bad bout odda peopo. Dey no do notting fo hurt dea frenz. Dey no talk harsh kine to dea neighba guys.

Songs 50:20

You tink plenny bout how fo talk bad Bout yoa ohana guys. You even talk bad bout yoa braddah.

Smart Guys 10:18

If somebody talk all nice to you, But inside he hate you, He trying fo trick you, him ony bulai. Ony da kine stupid guys dat tink dey no need learn notting Stay talk bad bout odda peopo.

Smart Guys 25:13

Wen you get somebody dat can talk fo you An you can trus um, Make you feel good inside, Jalike wen stay real hot, An somebody bring you cold snow fo eat. Erytime dat kine talka guy come back Afta you sen him some place, You stay good inside Cuz he do one good job fo you.

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Ezekiel 44:22

Dey betta not marry one widow o one wahine dat stay divorce. Dey ony can marry one Israel wahine dat neva sleep wit one guy, o one pries guy widow.

Prieses 21:7

“Dey no can marry one wahine dat make her body pilau cuz she fool aroun fo money, o dat her husban throw her out, cuz da prieses stay spesho fo me, dea God.

Matthew 4:1

Afta dat, God Spirit take Jesus to da boonies, fo da Devil try presha him fo make um do bad kine stuff.

John 6:70

Jesus tell um, “I wen pick all twelve a you guys, aah? But still yet, one a you guys, he jalike one devil!”

Rome 1:29

Dey full a stuff dass not pono, an real bad kine stuff. Dey greedy buggahs dat get real pilau attitude. Dey all jealous. Dey like kill peopo. Dey like beef erybody. Dey sneaky buggahs. Dey ony tink bad kine stuff. An dey tell stuffs dey not suppose to tell bout odda guys.

1 Timoty 1:12

Da One In Charge a us guys, Jesus, da Spesho Guy God Wen Sen, I like tell him “Mahalo plenny!” fo give me da powa fo me do all da stuff he wen give me fo do. Cuz he know he can trus me fo do um.

1 Timoty 3:2

Da main leada guy gotta do eryting da right way fo nobody poin finga him. He stay tight wit his one wife. He know how fo hold back wen he gotta hold back. He know how fo ack erytime, an he get one good rep fo do da right tings. He know how fo make peopo feel real good wen dey come his house. He know how fo teach peopo stuff.

1 Timoty 6:2

Da slave guy dat get one boss dat trus God, dey not suppose to show dea boss ony litto bit respeck jus cuz dey braddahs. Dey suppose to work fo dem mo hard, cuz den dey kokua da guys dat trus God, an dey get love an aloha fo dem. Teach um dis stuff, an tell um fo do um.

2 Timoty 3:3

Dey no goin get love an aloha. Dey no goin give chance to nobody. Dey goin poin finga somebody, no matta az not true. Dey no goin hold back wen dey gotta hold back. Dey goin like see odda peopo suffa. Dey goin hate eryting dass good.

2 Timoty 4:5

But you, Timoty, you gotta stay so notting bodda you, no matta wat happen. Hang in dea wen you suffa. Do yoa job: tell peopo da Good Kine Stuff from God. Do all da kine stuff you suppose to do cuz you one worka guy fo God.

Titus 2:3

Same ting wit da older wahines. Teach dem fo ack da way da peopo dat stay spesho fo God suppose to ack. Tell um, “No talk bad behind anodda guy back, an no love da booze too much fo you drink all da time an no can stop.” Tell um no make lidat, but tell um fo teach ony da good kine tings.

Titus 3:2

Tell dem no talk bad bout nobody, an no beef. Dey gotta make frenz wit erybody. Dey gotta tink bout how da odda guy feel. Dey gotta let da odda peopo go firs.

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.