1 Timoty 2:9 - Hawaii Pidgin Bible

⁹ An I like da wahines fo ack da right way too. I like um dress good, an show respeck fo who dem wen dey put on clotheses. Da good looks no come from fancy kine hairdo, o from put on fancy kine gold o pearl kine jewelry, o da kine clotheses dat cost plenny money.

1 Timoty 2:9 ပူးပေါင်းရင်းမြစ်များ

Start 24:53

Den he take stuff outa da bags fo give Rebecca. He give her all kine silva an gold kine jewelry an clotheses. He give plenny expensive stuffs to her braddah an her muddah too.

2 Kings 9:30

Den Jehu go Jezreel town. Wen Jezebel hear bout dis, she go make nice her eye wit paint, fix her hair nice, an look down from one window.

Esther 5:1

On da day numba three, Esther put on her queen kine clotheses an go stan inside da door fo da open lanai in da middo a da palace, right across da place wea da king stay work. Da king stay sit on top his throne inside da palace, wea he can see outside da door.

Songs 149:4

Do dat, cuz Da One In Charge Feel real good bout his peopo, Da ones dat know dey no need Go firs erytime. Da One In Charge make dem da winnas, An make um come awesome.

Smart Guys 31:22

She make fancy kine cova fo make da bed look nice. She ony wear good kine linen clotheses, an purple kine jalike one queen.

Smart Guys 31:25

Wen you look at her, you can tell awready She stay strong inside An peopo get plenny respeck fo her. Wen peopo tell her bad stuff goin happen bumbye, She ony laugh, cuz she no sked.

Smart Guys 7:10

An you know wat? Dat wahine come out an go by him. She stay wear da kine clotheses, Jalike she one hoa. She ack sneaky kine.

Isaiah 3:16

Anodda time, Da One In Charge tell dis: “Cuz da wahines inside Jerusalem, Dey ack high makamaka, Dey walk an hold up dea neck sexy kine. Dey check out guys wit dea eye. Dey walk jalike dey fashion models. Dey wear jangly kine jewel on top dea feets an ankles.

Isaiah 61:4

Dey goin build da ol broke down buildings one mo time An make um come jalike dey new. Dey goin build da broke down towns an make um new, No matta dey stay broke from dea ancesta guys time.

Jeremiah 2:32

You guys tink one young wahine goin foget her jewelry? You tink one bride goin foget her wedding clotheses? But still yet my peopo foget me Ova an ova.

Jeremiah 4:30

“All a you Jerusalem peopo, How come you make jalike one jam up wahine, No matta you goin get wipe out quick?! How come you put on fancy kine red dress? How come you put on gold jewelry? How come you paint yoa eyes fo make um look big? You dress up fo notting! Da guys befo time dat get da hots fo you, Dey tink you no good now. Dey like kill you.

Matthew 11:8

Den, wat you go ova dea fo see? One guy wit fancy kine clotheses, o wat? You know wat? Da guys dat wear fancy kine clotheses stay inside da king palace.

1 Timoty 2:10

Mo betta dey do good kine stuff fo odda peopo. Dass wat stay right fo da wahines dat stay tell peopo dat dey get respeck fo God.