1 Timoty 2:5 - Hawaii Pidgin Bible

⁵ Ony get one God. Ony get one Guy dat stay in da middo fo talk to God an to da peopo. He da Spesho Guy God Wen Sen Dass Jesus!

1 Timoty 2:5 ပူးပေါင်းရင်းမြစ်များ

Job 9:33

I like fo somebody come between us fo tell us who right! Fo somebody put his hand on top God an me same time! But no mo nobody fo do dat!

Isaiah 44:6

Lissen up! Dis one spesho message from Da One In Charge! He da King fo da Israel peopo! He pay da price fo get dem outa trouble! He Da One In Charge, Da God Ova All Da Armies! Dis wat he tell: “Me, I da firs One, An I goin be da las One. No mo anodda God afta dat, ony me.

Matthew 1:1

Dis book tell bout Jesus an his ancesta guys. He da Christ Guy, da Spesho Guy God Wen Sen. He from King David ohana, an David, he from Abraham ohana.

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Luke 14:22

Bumbye da worka guy come back an tell, ‘We wen do wat you wen tell us fo do, an still yet get room fo mo peopo come.’

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

Jesus Guys 4:12

“No mo nobody dat can take da peopo outa da bad kine stuff dey stay do. No mo nobody in da whole world dat we gotta stay tight wit fo him take us outa da bad kine stuff we stay do. God give us ony Jesus fo do dat.”

Rome 1:3

bout his Boy. His Boy blood line come from King David.

Rome 10:12

Da Jew guys an all da odda peopos, dey all same same. No mo diffrence. Cuz get Da One Dat Stay In Charge, an he Da One In Charge fo erybody. He goin do plenny fo erybody dat aks him fo kokua dem.

1 Corint 8:4

So den, even if da peopo make one sacrifice to da idol kine gods, an den somebody go eat dat food, we all know dat da idol kine gods inside dis world not da real God. Jalike da Bible tell, “Ony get one God dass fo real, an all da odda gods no mean notting.”

1 Corint 8:6

But fo us guys, ony get one God, He oua Faddah. Eryting come from him, An us guys do eryting fo him. An ony get one Guy Dat Stay In Charge, Dass Jesus Christ. Wen God make eryting, Jesus da One wen do um, An us guys stay live Cuz Jesus give us da real kine life.

Galatia 3:20

Dass good dat get one guy in da middo fo talk to God an to da Israel peopo. But fo Abraham, no need somebody in da middo cuz God talk strait to Abraham.

Efesus 4:6

Ony get one God, He da ony Faddah fo erybody. He stay in charge a erybody. He stay use erybody Fo do wat he like. An he stay inside erybody.

Rules Secon Time 6:4

“Lissen, you Israel peopo! Da One In Charge, he oua God! Ony him, da God fo us!”

1 Timoty 6:13

I stay give you dis kuleana in front God an Jesus Christ. God da One dat make eryting dat live stay alive. An Jesus Christ da one wen tell da trut real good bout who him in front da govna, Pontius Pilate.

Hebrews 12:24

An you guys come togedda wit Jesus too. He da middo man fo da New Deal God make. Was jalike wen Jesus bleed an mahke fo make solid da promise fo da New Deal. An dat deal, mo betta den how was befo time wen da guy Abel wen bleed an mahke.

Hebrews 7:25

Jesus, he no stay mahke, he stay alive foeva. All da time he stay dea fo tell God fo help fo da peopo dat come to God cuz a him. An dass how he get da powa fo hemo dem real good from all da bad tings dey stay in.

Hebrews 8:6

But da pries kine stuff dat Jesus stay do fo God, dat stuff way mo betta den da stuff da odda pries guys stay do. An same ting, Jesus da middo man fo da deal dass way mo betta den da firs deal. An dat New Deal way mo betta, cuz God wen make mo betta promises wen he make dat New Deal.

Hebrews 9:15

Dass wat Christ wen do. An dass why Christ stay da middo man fo da New Deal God make wit da peopo. So now, da peopo God tell fo come be his guys, dey goin get eryting dat he wen promise fo give his kids foeva. Az cuz Christ wen go mahke fo cut dem loose from da powa dat da bad kine stuff get ova dem, all da time dey was unda da firs deal.

1 John 2:1

Eh, my good frenz! I stay write dis stuff to you guys, so you no do bad kine stuff. But wen get somebody dat do bad kine stuff, us get one Guy dat stay talk to da Faddah fo us guys. Dass Jesus Christ, da Spesho Guy God Wen Sen. He erytime stay do da right ting.

Jesus Show 1:13

An in da middo, had somebody dat look jalike us. He get one long robe dat hang down to his feet, an one gold cloth ova his shoulda an across his ches.