1 Tessalonika 5:8 - Hawaii Pidgin Bible

⁸ But all us guys, we gotta figga fo real kine an stay ready. We gotta fight da bad kine stuff. Az why we trus God, an get love an aloha fo him an his peopo. Dass jalike body armor fo us guys. An we know fo shua dat God goin take us outa da bad kine stuff we stay in. Dass jalike one helmet fo one army guy head.

1 Tessalonika 5:8 ပူးပေါင်းရင်းမြစ်များ

Songs 42:11

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I goin get good tings fo tell Bout him still yet! Him, he da God fo me, An he stay get me outa trouble.”

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 43:5

I tink lidis: “Eh! No need I stay All bum out inside! No need I stay moan! Cuz God, him da One I wait fo, Fo help me! Cuz you know wat? I get mo plenny good tings Fo tell bout him! Him, he da God fo me, An he erytime get me outa trouble.”

Isaiah 59:17

Fo make ready fo fight, Da One In Charge put on his body armor. Az how come nobody can hurt him. Dat mean, he stay do da right ting erytime. He put on his helmet. Dat mean, he know how Fo get his peopo outa trouble. Da shirt he put ova da body armor, Az jalike fo show da bad guys How he goin pay um back Fo eryting dey wen do. Da fancy kine robe he wear, Az jalike fo show Dat he goin go all out fo do all dis.

Sad Song 3:26

Az good fo wait an stay quiet, Till Da One In Charge get us outa trouble.

1 Corint 13:13

So now, get three tings dat stay: trus God, know eryting goin come out okay bumbye, an get love an aloha fo erybody. From da three tings, get love an aloha fo erybody, dass da main ting, an da bestes way!

2 Corint 6:7

We tell da trut an we no bulai. God give us guys da powa fo do all da right kine stuff. Dass jalike we army guys, an oua boss give us eryting we need fo fight da bad guy an fo no let him wipe us out.

Galatia 5:5

Us guys not like you guys. We trus God. Dass why we wait fo him make us get um right wit him cuz we know dat God Spirit goin help us.

Efesus 6:11

Jalike da army guys get body armor fo stan up agains da odda army guys, God get eryting you guys need fo stan up agains all da stuff da Devil like try use fo bulai you guys. So use all da stuff God like give you guys!

Efesus 6:23

I like fo God da Faddah an Da One In Charge, Jesus Christ, make all you braddahs an sistahs stay so notting bodda you, an fo get plenny love an aloha fo each odda. I like fo you guys trus Christ.

1 Tessalonika 5:5

Cuz you guys do good kine stuff dat you no shame fo do day time fo erybody see. We no do da kine bad stuff dat da odda peopo like do nite time fo nobody know.

2 Tessalonika 2:16

Da One In Charge a us guys, Jesus Christ, an God oua Faddah too, dey get love an aloha fo all us guys. God get one good heart, an he no stop give us guys good kine words an help us wait till da good tings happen.

Hebrews 6:19

Wen we trus God an we know he goin do good stuff fo us bumbye, dat make us stay strong an solid inside, jalike wen da boat anchor come stuck on da reef an den da boat no move. Wen we trus God lidat, den we goin come tight wit him. Dass jalike wen da Jew Main Pries Guy go inside da Real, Real Spesho Place wea God stay inside.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

1 John 1:7

But if we do good kine stuff, dass jalike us stay inside da light, jalike God stay inside da light. Den us stay tight wit each odda. You know, Jesus, God Boy, he wen bleed an mahke, an dass jalike his blood make us come clean inside from all da bad kine stuff us wen do.