1 Tessalonika 5:2 - Hawaii Pidgin Bible

² Cuz you guys know awready dat da time wen Da One In Charge goin come back, goin be jalike wen one steala guy go sneak inside yoa house nite time, an you no expeck notting.

1 Tessalonika 5:2 ပူးပေါင်းရင်းမြစ်များ

Jeremiah 23:20

Wen Da One In Charge come huhu, He goin stay huhu Till he pau do eryting he plan fo do from befo time. You guys goin undastan all dis, Bumbye wen da right time come.”

Matthew 25:13

Den Jesus tell, “Eh! Az why I stay tell you guys, watch an stay ready! Cuz you donno da day o da time, wen me, da Guy Dass Fo Real, goin come back!”

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

1 Corint 1:8

Christ da One dat goin make you guys stay strong an solid till you mahke, o till da time wen Da One In Charge, az Jesus Christ, come back to dis world. Az why you guys no goin jam up, an nobody goin poin finga you guys.

1 Tessalonika 5:4

But my braddahs an sistahs, you guys no stay do bad kine stuff jalike da bad guys do, nite time. Cuz a dat, wen dat day come an Da One In Charge come back, no goin blow yoa mind jalike if one steala guy sneak up on you guys.

2 Tessalonika 2:2

no let yoa head come all hamajang. If you guys hear dat Jesus, Da One In Charge, wen come back awready, o if some spirit o some guy tell dat, o even dey wen read um from some odda letta dat dey tell we wen write, no go lissen!

Joshua 11:7

So Joshua an all his Israel army guys go agains dem quick an attack dem one time by Merom Lake.

2 Peter 3:10

But da time wen Da One In Charge come back, no goin get nobody dat know wen he goin come. Az jalike wen da steala guy go inside yoa house an you donno he wen come. Dat time, da sky, da sun, da moon, an da stars up dea inside da sky goin come burning hot an wipe out eryting! An den, no goin get notting no moa. Da world an all da tings dat peopo do hea goin burn up.

Jesus Show 16:15

Da One In Charge tell, “Look! I goin come jalike one steala guy dat nobody tink he goin come! Whoeva stay awake, an get dea clotheses wit dem, dey no goin come shame cuz dey naked. Dey goin stay good inside.”

Jesus Show 3:3

So den, no foget how you guys wen take da stuff I teach you, an you guys wen go all out fo do um. So, stay do lidat. Come sorry fo da bad kine stuff you guys stay do now, an no do um no moa. If you guys no wake up, I goin come real fas, jalike one steala guy, an you guys no goin know da time I goin show up.’