1 Tessalonika 3:4 - Hawaii Pidgin Bible

⁴ Befo time, wen we was wit you guys, we stay tell you guys ova an ova dat we all goin suffa fo shua. An you guys know dat eryting wen happen jalike we wen tell you guys.

1 Tessalonika 3:4 ပူးပေါင်းရင်းမြစ်များ

Matthew 24:25

“Eh! Befo all dat happen, I stay tell you guys eryting now awready.

Jesus Guys 17:1

Dey go thru Amfipolis an Apollonia, an come Tessalonika. Had one Jew church ova dea.

Jesus Guys 17:13

Wen da Jew guys inside Tessalonika know dat Paul stay teach wat God tell inside Berea, dey go ova dea too, an dey make plenny peopo like beef.

Jesus Guys 20:24

But den, fo me, fo stay alive, dass notting. I ony like do eryting Da One In Charge, Jesus, tell me fo do to da end. He tell me fo tell erybody da Good Stuff bout how plenny good tings God do fo us.

1 Tessalonika 2:14

Eh, my braddahs an sistahs! Same ting wen happen to you guys, jalike wen happen to da church peopo all ova Judea. Dey da peopo dat come togedda fo God ova dea, an dat stay tight wit God Spesho Guy Jesus. Da way yoa peopo wen make you guys suffa, dass jalike da Jew guys wen make oua braddahs an sistahs inside Judea suffa.

1 Tessalonika 2:2

Befo we come by you guys, wen we stay Philippi town, you know da peopo ova dea wen make us guys suffa plenny. Dey wen try fo make us come shame in front erybody. But cuz we stay tight wit God, no matta we sked, we wen go tell you guys da Good Kine Stuff From God. We tell you guys dis, no matta we wen get plenny peopo dat go agains us.

2 Tessalonika 2:5

Fo shua, you guys no foget dat I wen tell you guys all dis stuff awready, dat time I wen stay ova dea wit you guys.

2 Tessalonika 3:10

No foget wen we stay wit you guys, we wen tell you dis ova an ova: “No work, no eat!”