1 Tessalonika 1:1 - Hawaii Pidgin Bible

¹ Dis letta from Paul, Silas, an Timoty. We write um fo you Tessalonika church peopo dat stay tight wit God oua Faddah an wit Jesus Christ, Da One In Charge. Us guys like God do plenny good kine stuff fo you guys, an make um so notting bodda you.

1 Tessalonika 1:1 ပူးပေါင်းရင်းမြစ်များ

Jesus Guys 15:22

Den da guys Jesus wen sen all ova, an da older leadas, an all da Jerusalem church guys, dey pick some a dea guys fo sen um Antiok side wit Paul an Barnabas. Dey pick Judas Barsabbas, an Silas, two guys dat lead oua braddahs an sistahs.

Jesus Guys 15:27

Dass why we sen Judas an Silas too, fo dem tell you guys dat wat we write stay true.

Jesus Guys 15:40

Paul pick Silas, an afta da braddahs an sistahs tell God fo take kea dem wit his aloha, dey go way.

Jesus Guys 16:19

Wen da bosses fo da slave girl find out dat dea chance fo make money all pau, dey grab Paul an Silas an drag um inside da open market place fo face da leada guys.

Jesus Guys 16:25

Midnite, Paul an Silas stay pray an sing songs fo God. Da odda prisona guys inside da jail lissen dem.

Jesus Guys 16:29

Da jaila guy tell da odda guys fo bring one lamp. Den he run inside da jail an go down in front Paul an Silas. He stay sked an shaking real hard.

Jesus Guys 17:11

Da Berea peopo, dey mo betta den da Tessalonika peopo, cuz dey trus da Good Stuff Bout Jesus. Ery day dey study real good wat da Bible tell from befo time fo find out if wat Paul tell az true.

Jesus Guys 18:5

Silas an Timoty come from Macedonia. An den Paul neva make tents no moa. He tell da Good Stuff Bout Jesus, dat him da Spesho Guy God Wen Sen.

Jesus Guys 19:22

He sen two a his helpa guys Macedonia side, Timoty an Erastus. But he stay West Asia side short time moa.

Jesus Guys 20:4

Sopater from Berea, Pyrrhus boy, an Aristarkus an Secundus from Tessalonika, Gaius from Derbe, Timoty, an Tykikus an Trofimus from West Asia, dey all go wit him.

Rome 1:7

You Rome guys, dis letta fo you. Eh, God get love an aloha fo you guys. He tell you fo come his spesho guys. God, he oua faddah, an Jesus, he Da One In Charge, he da Spesho Guy God Wen Sen. I like dem do plenny fo you guys, an make you guys come so notting bodda you.

1 Corint 1:2

Dis letta fo you church peopo dat come togedda fo God inside Corint town. God make you guys spesho fo him cuz you stay tight wit Jesus Christ. He tell you guys fo come his spesho peopo! Dass jalike all da odda peopo all ova da world dat call out to Da One In Charge wen dey need help. Jesus Christ, he da Spesho Guy God Wen Sen, an he Da One In Charge a dose guys an us guys too.

2 Corint 1:1

Aloha! Dis one letta from me, Paul. God wen sen me all ova fo tell peopo da Good Stuff bout da Spesho Guy God Wen Sen. Az Jesus! Braddah Timoty, he da one stay hea, an he tell da same ting. I stay write dis fo all da peopo dat come togedda fo church an stay spesho fo God, inside Corint town an all ova Akaia side.

2 Corint 1:19

Me, Silas, an Timoty wen teach you guys bout Jesus Christ, God Boy. Jesus, he not one guy dat tell “Yeah” an “No way” same time. He tell “Yeah” erytime!

Galatia 1:22

Da church peopo Judea side, dey neva know me.

Efesus 1:2

I like oua Faddah God an Da One In Charge a us guys, Jesus Christ, do plenny good kine tings fo you guys an make you stay so notting bodda you.

Philippi 1:1

Dis letta from Paul an Timoty. Us guys work fo da Spesho Guy God Wen Sen, Jesus Christ. An we write to all you peopo Philippi side dat stay all out fo God cuz you guys stay tight wit Jesus Christ. Dis letta fo erybody, da main leada guys an da helpa guys, an all oua odda braddahs an sistahs.

Colosse 1:1

Dis letta fo all da peopo dat stay spesho fo God, all da braddahs an sistahs inside Colosse dat trus Christ an stay tight wit him. Dis letta from me, Paul, an from braddah Timoty too. I one a da messenja guys Jesus Christ wen sen all ova fo tell erybody wat God tell cuz dass wat God like. I like God oua Faddah do plenny fo you guys an make you stay so notting bodda you.

2 Tessalonika 1:1

Dis anodda letta from Paul, Silas, an Timoty. We write um fo you guys dat come togedda fo church Tessalonika side. You guys stay real tight wit God oua Faddah an Jesus Da One In Charge, da Spesho Guy God Wen Sen.

1 Timoty 1:2

You jalike my boy, an I jalike yoa faddah, fo real kine, cuz I wen help you fo trus God. God oua Faddah, an Jesus Christ Da One In Charge a us guys, I like dem fo do plenny good stuffs fo you wit aloha, an give you chance, an make you stay so notting bodda you.

Hebrews 13:23

I like you guys fo know dis: oua braddah Timoty, he outa jail awready! If he come hea quick, den he goin go wit me fo see you guys.

1 Peter 5:12

Silas stay help me fo write dis short letta to you guys. He one braddah dat erytime do wat he suppose to do. I wen write all dis fo tell you guys fo hang in dea an no foget dat fo shua God stay do plenny fo you. An trus real good in all dat!

1 John 1:3

Us guys wen see an hear all dat. Az why now us stay tell you guys wat he tell fo you guys come tight wit us. All us stay tight wit da Faddah an his Boy Jesus Christ, da Spesho Guy God Wen Sen.

Jude 1:1

Aloha! Dis me, Jude. Me James braddah, you know. An I one worka fo Jesus Christ, da Spesho Guy God Wen Sen. I stay write dis letta fo you guys. God da Faddah tell you guys fo come by him an be his guys. He get plenny love an aloha fo you guys dat stay tight wit him, an Jesus Christ take good kea you guys.