1 Samuel 9:16 - Hawaii Pidgin Bible

¹⁶ “Bout dis time tomorra, I goin sen one guy from da Benjamin ohana land. Pour olive oil on top his head fo show he goin be da leada guy fo my Israel peopo. He da one dat goin get dem outa da Filisha guys powa. Cuz I wen see how my peopo suffa an cry an hear dem yell fo me fo help dem.”

1 Samuel 9:16 ပူးပေါင်းရင်းမြစ်များ

2 Samuel 3:18

Kay den, do um! Cuz Da One In Charge, him da One wen tell dis bout David: ‘My worka guy David, he da one I goin use fo get my Israel peopo outa da powa a da Filisha guys an all da odda peopos dat stay agains dem.’ ”

2 Kings 20:5

“Go back an tell Hezekiah, da leada guy fo my peopo, ‘Dis anodda message from me, Da One In Charge, da God fo yoa ancesta guy David. Tell um, I wen hear you pray awready, an see how you stay cry. Now, I da One goin make you come good. Da day afta tomorra, you goin go up by da Temple Fo Da One In Charge.

Songs 102:1

Eh! You Da One In Charge! I stay praying to you, So try lissen! I stay yelling fo you help me!

Songs 106:44

But wen dey yell to God fo help um, He lissen. He see da big trouble dey get.

Songs 25:18

Try look how bum out I stay, An how weak I stay cuz a all dis! Hemo da shame I get Fo da bad tings I wen do, An let me go.

Smart Guys 16:9

Peopo make plan Fo how dey goin live. But Da One In Charge, he da One Make da real plan, wat dey goin do.

Jeremiah 32:8

“Den, jalike how Da One In Charge wen tell, my cousin Hanamel come by me inside da patio fo da guard guys place. He tell, ‘Buy my field Anatot side, inside da Benjamin ohana land. Cuz you get da right fo buy um an keep um inside da ohana. Buy um fo you.’ “I know dass wat Da One In Charge wen tell,

1 Samuel 10:1

Den Samuel take some olive oil dat he get inside one small clay kine pitcha, an pour um on top Saul head, an he kiss Saul on his face. Samuel tell, “Da One In Charge wen pick you fo come da leada ova his peopo, you know.

1 Samuel 14:20

Den Saul an all his army guys come togedda fo fight. Dey find da Filisha guys all pupule—dey stay fight each odda wit dea swords!

1 Samuel 14:23

Dass how Da One In Charge get all da Israel guys outa trouble dat time. Dey fight all da way to Bet-Aven.

1 Samuel 15:1

Samuel tell Saul, “I da guy dat Da One In Charge wen sen fo put oil on top yoa head fo make you da king fo his peopo, da Israel peopo. So den, you gotta lissen eryting Da One In Charge tell.

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”

1 Samuel 16:3

An make shua Jesse come wen you make da sacrifice. Dass da time I goin tell you wat fo do. I goin tell you pour olive oil on top one guy fo show he da one I wen pick!”