1 Samuel 7:12 - Hawaii Pidgin Bible

¹² Den Samuel take one mangus rock, an put um up one place wea get Mizpah on one side, an Shen on da odda side. He name um “Ebenezer,” dat mean “Help Monument,” cuz he tell, “Da One In Charge wen help us all da way to dis place!”

1 Samuel 7:12 ပူးပေါင်းရင်းမြစ်များ

Start 22:14

Abraham give dat place da name Da One In Charge See Um. Dass mean, “Da One In Charge See Wat I Need An Give Me Dat.” Nowdays peopo still yet tell: “On top da mountain wea Da One In Charge stay, God see wat we need an give us dat.”

Start 35:14

Jacob put up one big rock jalike one pos dat place wea God talk wit him. Den he pour wine an olive oil on top fo make one sacrifice fo God on top da rock.

Songs 71:17

God, from da time I was one young boy, You stay teach me, An now, I goin tell erybody Bout da awesome tings you do!

Songs 71:6

Was you dat take kea me Even befo I born, You da one wen born me Outa my muddah. You da one I tell Good tings bout, foeva.

Outa Egypt 17:15

Den Moses pile up stones ova dea fo make one altar place. He call dat place “Da One In Charge, jalike one war flag fo me.”

Isaiah 19:19

An dat time, goin get one altar fo make sacrifice fo Da One In Charge inside da middo a da Egypt land, an one big stan up stone by da Egypt borda, fo no foget Da One In Charge.

Jesus Guys 26:22

But God help me erytime till now. So I stan hea an talk to da peopo dat importan an da peopo dat not importan. I ony tell da stuff dat Moses an da odda guys dat befo time talk fo God tell goin happen. I no tell odda stuff.

2 Corint 1:10

Wen we almos mahke, he wen take us outa da bad kine stuff dat wen happen to us guys. An he goin take us outa da bad kine stuff nex time too. We still stay shua he goin take us outa da bad kine stuff ova an ova.

Joshua 4:9

Az how dey bring da stones from in da middo a da Jordan Riva, wea da pries guys dat carry Da Box wen stan, an Joshua put um down ova dea. An da stones stay dea still yet today.

1 Samuel 14:35

dat Saul use fo one altar fo Da One In Charge. Az da firs time he make lidat.

1 Samuel 4:1

An da tings Samuel tell, all da Israel peopo lissen. Dat time, da Israel guys go out fo fight da Filisha army guys. Da Israel guys make camp by Ebenezer Hill, an da Filisha army make camp by Afek Hill.

1 Samuel 5:1

Afta da Filisha army guys take ova God Box, dey take um from Ebenezer wea dey wen start fo fight to dea big town Ashdod.

1 Samuel 7:11

Da Israel guys run outa Mizpah, an run afta da Filisha guys, an kill dem wen dey stay run, all da way makai side Bet-Kar.