1 Samuel 6:17 - Hawaii Pidgin Bible

¹⁷ Da five gold lumps, da Filisha peopo sen um to Da One In Charge, fo make one sacrifice fo da blame dey get: one fo Ashdod, one fo Gaza, one fo Ashkelon, one fo Gat, an one fo Ekron.

1 Samuel 6:17 ပူးပေါင်းရင်းမြစ်များ

2 Samuel 1:20

“But no tell da Filisha peopo Gat side bout dis! No say notting to da peopo on da Ashkelon streets! No good da Filisha wahines feel good inside cuz dey win. No good da girls from dat ohana dat donno God Dance an sing cuz dey feel good inside.

2 Samuel 21:22

Dose four guys come from da Rafa ohana, Gat side. An David an his army guys kill all four a dem.

2 Kings 1:2

One time King Ahaziah stay inside his upstairs room inside da Samaria palace, an he fall down an broke da criss-cross kine sticks ova da window. Dat make him fall down thru da window an hit da groun. He hurt plenny. He tell some messenja guys fo go Ekron side an find out from Baal-Zebub, da god fo da Ekron peopo, if he goin come good one mo time, o if he goin mahke cuz a da hurt.

2 Records 26:6

He go make war agains da Filisha guys, an broke down da town wall fo three towns: Gat, Jabneh, an Ashdod. Den he build da towns one mo time nea Ashdod an odda places wea da Filisha peopo wen stay.

Jeremiah 25:20

all da odda kine peopo from diffren place dat live dea, all da king guys fo Uz, all da king guys fo da Filisha peopo (da ones from Ashkelon, Gaza, Ekron, an da peopo dat still yet stay alive Ashdod side),

Prieses 5:7

“Maybe da guy get da blame fo do one bad ting, but he no mo notting fo buy one bebe sheep o goat. Den he gotta bring two doves o two young pigeons in front Da One In Charge, fo make um right, one fo da sacrifice cuz a da blame, an da odda fo da kine sacrifice dey burn up.

Amos 1:6

You betta lissen! Dis wat Da One In Charge tell: “Ova an ova, da Gaza peopo wen go agains me. Az why, no way I goin let um go an no punish dem! Dey wen make one whole nation dea prisonas An sell um to da Edom peopo fo come dea slaves.

Amos 6:2

You guys tell yoa peopo, ‘Go da towns da Assyria army guys take ova awready, Go Kalneh an scope um out, An go come back by da big town Hamat, Den go makai side by da Filisha peopo, Gat town.’ You tink you guys land mo betta den dose countries, o wat? You guys tink dea land mo big den yoas, aah? No ways!

Rules Secon Time 28:27

Da One In Charge goin give you guys boils jalike he wen do to da Egypt peopo. He goin give you bad kine lumps, bad kine sores, an da itch. An no mo nobody can make um come mo betta.

Local Leadas 1:18

Da Judah guys win ova Gaza, Ashkelon, an Ekron, dose towns an da land aroun um.

Local Leadas 14:19

Den da Spirit from Da One In Charge take ova Samson wit powa. He go down by Ashkelon town, an wack thirty a dea guys, rip off dea clotheses an odda stuffs, an give dea clotheses to da guys dat wen tell wat da riddle mean. He stay real huhu, an he go back his faddah house.

Local Leadas 16:1

One day Samson go Gaza town. He see one hoa. He go inside fo stay wit her dat nite.

Local Leadas 16:21

Den da Filisha guys grab him. Dey pull out his eyes, an take him Gaza side. Dey tie him up wit bronze leg chains, an dey make him turn one big millstone inside da prison fo make flour from wheat.

1 Samuel 5:1

Afta da Filisha army guys take ova God Box, dey take um from Ebenezer wea dey wen start fo fight to dea big town Ashdod.

1 Samuel 5:10

So den da Gat peopo sen God Box Ekron side. But wen da Box stay come nea Ekron, da peopo ova dea start fo yell, “Dey stay bring da box fo da Israel god aroun by oua side, fo dem kill us guys hea, an all oua peopo!”

1 Samuel 5:8

So dey call togedda da leadas fo all da Filisha peopo, an aks dem, “Wat we goin do wit da box fo da Israel god?” Da leada guys tell, “Pass da box fo da Israel god, Gat side!” So dey move da Box Fo Da Israel God.

1 Samuel 6:4

Da Filisha guys aks dem, “Wat kine sacrifice we suppose to sen back fo show dat us guys stay sorry?” Dey tell, “You know how you guys wen swell up wit da lumps? Kay den. Make five lumps outa gold, an make five rat outa gold. Dass cuz us Filisha peopo, we get five main alii guys, an da real bad kine sick wen wack you guys an yoa leada guys too.