1 Samuel 6:11 - Hawaii Pidgin Bible

¹¹ Dey put da Box Fo No Foget Da Deal Wit Da One In Charge on top da cart, an by da Box dey put one bag wit da gold rats, an da small gold statues dat look jalike da lumps.

1 Samuel 6:11 ပူးပေါင်းရင်းမြစ်များ

2 Samuel 6:3

Dey put da Box Fo God on top one new wagon, an carry um outside Abinadab house dat stay on top one hill. Uzzah an Ahio, Abinadab boys, stay show da cows dat pull da new wagon, wea fo go.

1 Records 13:7

Dey move da Box Fo God from Abinadab house on top one new wagon, wit Uzzah an Ahio fo show da cows dat pull da wagon wea fo go.

Rules Secon Time 28:27

Da One In Charge goin give you guys boils jalike he wen do to da Egypt peopo. He goin give you bad kine lumps, bad kine sores, an da itch. An no mo nobody can make um come mo betta.

1 Samuel 6:10

So, da Filisha guys make lidat. Dey take two cows lidat, an tie um to da cart, an tie up dea bebes by da house.

1 Samuel 6:12

Den da cows go strait up by Bet-Shemesh. Dey stay on top da road, an make noise da whole way. Dey no turn by da right side o da lef side. Da leadas fo da Filisha peopo stay walk in back dem an watch um all da way to da Bet-Shemesh land.

1 Samuel 6:4

Da Filisha guys aks dem, “Wat kine sacrifice we suppose to sen back fo show dat us guys stay sorry?” Dey tell, “You know how you guys wen swell up wit da lumps? Kay den. Make five lumps outa gold, an make five rat outa gold. Dass cuz us Filisha peopo, we get five main alii guys, an da real bad kine sick wen wack you guys an yoa leada guys too.