1 Samuel 5:9 - Hawaii Pidgin Bible

⁹ But afta dey move um Gat side, Da One In Charge wack da Gat peopo real hard too. He make all da peopo ova dea come plenny sked. All da peopo inside Gat get lumps unda da skin, da ol peopo an da young peopo.

1 Samuel 5:9 ပူးပေါင်းရင်းမြစ်များ

Songs 78:66

God wack da peopo Dat wen go agains him An make dem come shame Fo long time.

Amos 5:19

Fo you guys, goin be jalike dis—you go run away from da lion, An anodda kine wild animal goin catch you from da odda side! Den you go inside yoa house, An put yoa hand on top da wall fo res, An da snake bite you!

Rules Secon Time 2:15

Da One In Charge wen stay agains dose guys till he wipe all dem out from da peopo.

1 Samuel 12:15

But, if you guys no lissen wat Da One In Charge tell, an go agains wat he tell you guys fo do, he goin go agains you guys, jalike he wen go agains yoa ancesta guys.

1 Samuel 5:10

So den da Gat peopo sen God Box Ekron side. But wen da Box stay come nea Ekron, da peopo ova dea start fo yell, “Dey stay bring da box fo da Israel god aroun by oua side, fo dem kill us guys hea, an all oua peopo!”

1 Samuel 5:11

So dey call togedda da leada guys fo all da Filisha peopo an tell, “Sen da box fo da Israel god back wea suppose to stay, o da ting goin kill us guys hea, an all oua peopo.” Cuz some a da peopo mahke awready, all da odda peopo come real sked. God give da Ekron peopo plenny trouble too.

1 Samuel 5:6

Den Da One In Charge start fo give da Ashdod peopo an da odda peopo aroun dem plenny trouble. He wack um hard wit one real bad kine sick on top dem—erybody get someting jalike lumps unda da skin.

1 Samuel 6:11

Dey put da Box Fo No Foget Da Deal Wit Da One In Charge on top da cart, an by da Box dey put one bag wit da gold rats, an da small gold statues dat look jalike da lumps.

1 Samuel 7:13

So da Israel guys win ova da Filisha guys, an da Filisha guys neva go inside da Israel land no moa. All da time Samuel stay alive, Da One In Charge stay agains da Filisha peopo.