1 Samuel 5:4 - Hawaii Pidgin Bible

⁴ But den, da nex morning wen dey get up, dey see Dagon stay fall down one mo time on his face, on top da floor in front Da Box Fo No Foget Da Deal Wit Da One In Charge! Dis time, Dagon head an his hands stay chop off, an stay ova dea on top da board unda da door. Ony da body stay by da place wea dey put da statue.

1 Samuel 5:4 ပူးပေါင်းရင်းမြစ်များ

Isaiah 27:9

Dass wat God goin do fo pay da price, Fo hemo da shame fo da Jacob ohana. Dass wat goin happen Wen God throw out all da bad kine stuff dey wen do. Den, God goin make all da stones Inside da altars fo da odda gods Come jalike chalk wen somebody smash um. Da poses wea dey pray to da wahine god Asherah An da altars wea dey burn da incense fo da odda gods, Dey no goin stan dea no moa.

Isaiah 40:20

O if somebody no mo enuff fo pay fo dat kine statue Fo make one gif to his god, He go find da kine wood dat no goin rot. Den he go look fo somebody Dat know how fo make one idol kine god Dat can stan an no goin fall down.

Jeremiah 10:11

Da One In Charge tell, “Tell dose peopos dis: ‘Dese idol kine gods, dat neva make da sky o da earth, dey goin come all wipe out from da earth an unda da sky.’ ”

Jeremiah 10:14

Peopo, dey stupid. Dey donno notting. Da guys dat make stuff from gold come shame cuz a da idols dey make. Da idol kine gods dey make, dey not da real kine God. Dey no can breave!

Jeremiah 10:15

Dey no worth notting. Can ony make fun a dem. Wen dey go stan in front da Judge, He goin wipe dem out.

Jeremiah 50:2

“All you guys, tell dis to all da peopos! Make shua dey hear um! Put up one flag fo dem lissen! Make shua dey hear da message! No hold back notting, but tell um dis: ‘Anodda army goin take ova Babylon town! Da Babylon god Bel goin come shame! Dey call um Marduk too, an he goin come real sked. Dea odda idol kine gods goin come shame too. Da horraz kine idol gods dey pray to goin come real sked.

Daniel 11:8

He goin take stuffs from dea gods an dea god statues dat dey melt metal fo make um, an dea nice tings, dea silva an gold stuffs, an take um Egypt side. Fo short time afta dat, he no goin bodda da king fo da north side.

Micah 1:7

I goin smash all da idol kine gods Dat da Samaria peopo wen make. Da presents guys give to da temples ova dea, Fo dem fool aroun wit da wahines dat work dea, I goin burn um all up. I goin take all dea idol kine gods An make um come one pile a junk. Da Samaria wahines fool aroun fo money. An da Samaria peopo make idol kine gods Wit da money from dose wahines. But bumbye, da guys dat stay agains Israel Goin take away dat money Fo pay odda wahines dat fool aroun in odda countries.”

1 Samuel 6:5

Copy yoa swell up places, an copy da rats dat stay wipe out da peopo inside dis land. Show plenny respeck fo da Israel peopo god. Den, maybe he goin pau give hard time to you guys, yoa gods, an yoa land.