1 Samuel 5:3 - Hawaii Pidgin Bible

³ Wen da Ashdod peopo get up early da nex morning, you know wat? Dey find Dagon wen fall down on his face on top da floor, in front da Box Fo No Foget Da Deal Wit Da One In Charge! So dey take Dagon an put um back on top his place.

1 Samuel 5:3 ပူးပေါင်းရင်းမြစ်များ

1 Kings 18:26

Da guys dat talk fo Baal take da bull Elijah wen give um an kill um fo make ready da sacrifice. Dey use Baal name fo call him. Dey do dat from morning time till noon time. Dey yell, “Eh, Baal, lissen us guys an do someting!” But dey no hear notting from Baal. Nobody tell dem notting. Den dey go dance all ova da altar dey wen build.

Songs 115:7

Wit dea hands, dey no can feel notting. Wit dea feets, dey no can walk. Dey no can even make noise Inside dea throat.

Songs 97:7

All da ones dat get Idol kine gods fo dea boss, Goin come shame! All da ones dat stay talk big Bout dea idol kine statues, Same ting! Eh, all you gods! Put yoa face on top da groun Fo show respeck fo da God dass fo real!

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Isaiah 19:1

Me, Isaiah, I get heavy kine stuff fo tell bout wat I see goin happen to da Egypt peopo: Da One In Charge stay come Egypt side, Jalike he stay ride on top one cloud. Da idol kine gods da Egypt peopo pray to Stay shake in front him. Da Egypt peopo stay plenny sked An no can tink good.

Isaiah 40:20

O if somebody no mo enuff fo pay fo dat kine statue Fo make one gif to his god, He go find da kine wood dat no goin rot. Den he go look fo somebody Dat know how fo make one idol kine god Dat can stan an no goin fall down.

Isaiah 41:7

So da guy dat shape da metal Fo make one idol kine god, Wen he give da idol to da guy dat put da gold on top da idol, He give one good kine word to da guy. An da guy dat use da hamma Fo make da gold come smooth, Wen he give da idol to da guy dat poun da anvil, He give one good kine word too. He tell um, ‘Good, da way you put um togedda, aah?!’ Afta, dey poun da nails in da idol kine god So da ting no fall down!

Isaiah 46:7

Dey carry da idol kine god up on top dea back, An bring um to da place dey goin put um. An put um down dea. Da idol kine god stan up ova dea An no move. Somebody call out to um, but da idol no can talk. Da idol no can get nobody outa trouble.

Jeremiah 10:8

Dea smart guys, dey no can tink mo betta den da animals, An dey do stupid kine stuff. Fo shua, no can learn wat fo do From da idol kine gods dey make from wood!

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Mark 3:11

Had peopo ova dea wit bad kine spirits dat take ova dem. Weneva dey see Jesus, dey go down in front him, an yell, “You God Boy!”

1 Samuel 6:1

Fo seven month, Da Box Fo No Foget Da Deal Wit Da One In Charge stay inside da Filisha land.

1 Samuel 6:5

Copy yoa swell up places, an copy da rats dat stay wipe out da peopo inside dis land. Show plenny respeck fo da Israel peopo god. Den, maybe he goin pau give hard time to you guys, yoa gods, an yoa land.