1 Samuel 4:5 - Hawaii Pidgin Bible

⁵ Wen Da Box come inside da camp, all da Israel guys cheer real loud, an dey yell so loud dat dey make da groun shake.

1 Samuel 4:5 ပူးပေါင်းရင်းမြစ်များ

2 Samuel 15:24

Zadok da pries guy, he stay go too, an all da Levi guys dat stay wit him carry da Box Fo No Foget Da Deal Wit God. Dey put down da Box, an Abiatar da pries guy wait dea till all da army guys pau come outa Jerusalem town. Den him an da Levi guys take da Box up da hill too.

1 Kings 1:40

Den Solomon go up to da palace, an all da peopo go wit him, playing flute an telling erybody dey stay plenny good inside. Dey make big noise, da groun shake!

Job 20:5

Da peopo dat do bad kine stuff, Ony short time dey get fo dance an sing. Da peopo dat ack jalike God no matta, Dey stay good ony fo short time.

Jeremiah 7:4

Wen you guys hear ova an ova, “Dis hea, az da Temple Fo Da One In Charge, da Temple Fo Da One In Charge, da Temple Fo Da One In Charge!” Az not true, you know! No trus da tings peopo tell you guys. All dat no goin help you guys!

Amos 6:3

“Bummahs, you guys! You tink goin be long time Befo bad tings goin happen to you guys! But da way you guys ack, you ony make shua Dat da guys dat like bus you up Goin take ova you mo fas!

Micah 2:11

If one guy come bulai you guys an tell, ‘I goin tell you guys wat God tell me— You guys goin get plenny wine an beer.’ Dat bulaia kine guy goin be da kine talka guy dat you guys like!”

Joshua 6:20

Den da pries guys blow da trumpets an da peopo yell. Wen get da loud noise from da trumpets an da peopo, da walls fall down! Den ery Israel army guy go strait inside, an dey take ova da town.

Joshua 6:5

Wen you hear dem blow da sheep horn trumpets one long time, tell all da army guys fo yell real loud. Den da walls fo da town goin fall down, an all da Israel peopo goin go strait inside ova da wall.”

Local Leadas 15:14

Wen dey come nea Lehi, da Filisha guys come by Samson, yelling. Da Spirit from Da One In Charge take him ova an give him powa. Da ropes aroun his arms come jalike burn up linen cloth, an dey drop from his hands.

1 Samuel 4:6

Wen da Filisha army guys hear da big noise, dey aks each odda, “How come da Hebrew buggahs yell real loud ova dea inside dea camp?” Wen da Filisha guys find out dat Da Box stay inside da Israel camp,