1 Samuel 4:21 - Hawaii Pidgin Bible

²¹ She name da boy “Ikabod,” cuz she tell, “Da Awesome Ting, bag from Israel.” An Ikabod kinda soun like “No mo notting awesome,” in da Hebrew language. She talk lidat, cuz da Filisha army guys wen take away Da Box, an her faddah-in-law an her husban mahke same time, az why.

1 Samuel 4:21 ပူးပေါင်းရင်းမြစ်များ

Songs 106:20

Dey had dea real awesome God, But dey change An go pray to someting Dat look jalike one cow dat eat grass.

Songs 26:8

Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

Songs 78:61

God wen make da odda peopos Capcha da Box Dat stay fo make da peopo tink Bout how strong God stay. God make dem take ova da Box Dat help peopo no foget How awesome God stay.

Songs 78:64

Da odda peopos kill da Jew pries guys Wit dea sword, Da widows, dey neva even have time Fo make funeral.

Jeremiah 2:11

All dose peopos, dey neva dump dea gods dat dey get from befo time. No matta da gods dey get, dey not gods fo real. But my peopo, dey wen bag from me, Da God dat make dem come awesome, Fo go pray to idol kine gods dat good fo notting!

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Hosea 9:12

Even if you guys bring up kids, I goin take away all dem from you. Bummahs fo dem, wen I tell ‘Laytas’ to dem!

1 Samuel 14:3

Ahijah stay wit dem too. His faddah was Ikabod braddah Ahitub, an his granfaddah was Finehas, Eli boy (dass da Eli guy dat befo time was Da One In Charge pries guy Shiloh town). Now, Ahijah, he da pries guy dat wear da spesho kine ves cuz he da Main Pries Guy. No mo nobody know dat Jonathan wen go way from dea awready.

1 Samuel 2:34

“ ‘Wat goin happen to yoa two boys, Hofni an Phinehas, goin show you how goin be. Da two boys goin mahke da same day.

1 Samuel 3:12

Wen dat happen, all da tings I wen tell bout da Eli ohana, eryting from da start to da end, I goin make all dat happen.

1 Samuel 4:11

Den da Filisha guys grab Da Box. An Eli two boys, Hofni an Finehas, dey mahke too.

1 Samuel 4:22

She tell, “Da Awesome Ting bag from Israel, cuz da Filisha guys wen take away Da Box Fo No Foget Da Deal Wit God!”