1 Samuel 4:18 - Hawaii Pidgin Bible

¹⁸ Wen da guy tell bout Da Box, Eli fall back from da chair, ova dea by da side a da town gate. An cuz he so ol an real fat, his neck broke, an he mahke. Fo forty year, Eli wen lead da Israel peopo.

1 Samuel 4:18 ပူးပေါင်းရင်းမြစ်များ

Songs 26:8

Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

Songs 42:10

Da peopo dat stay agains me, Dey like make me come shame, Jalike my bones real sore, Enuff fo kill me. All day dey talk: “Eh! Yoa God, how come He no stay by you?!”

Songs 42:3

Ery time, peopo stay aks me, “Eh! Yoa God, How come he no stay by you?!” An da ony ting I do, I cry, Day time an nite time!

Songs 69:9

Cuz I go fo broke Wen I tink bout yoa Temple, Az why wen peopo like talk bad Bout you, Dey talk bad bout me firs.

Prieses 10:3

Den Moses tell Aaron: “Dis wat Da One In Charge stay talk bout wen he tell: ‘Wen pries guys come nea me, I goin show um I stay good an spesho. In front all da peopo, dey goin show plenny respeck fo me.’ ” But Aaron no say notting.

Local Leadas 15:20

Samson lead da Israel peopo fo twenny year, da time wen da Filisha peopo stay dea.

1 Samuel 4:13

He reach Shiloh. He see Eli by da side a da road, sitting on top da pries chair, waiting, cuz Eli, he stay sked wat goin happen to Da Box Fo No Foget Da Deal Wit God. Dis Benjamin guy go inside da town fo tell wat wen happen, an afta dat, all da peopo dea yell fo help.

1 Samuel 4:17

Da guy tell, “Da Israel guys wen run away from da Filisha army guys! Plenny Israel guys mahke! An yoa two boys, Hofni an Finehas, dey mahke too! Den, da Filisha guys take away Da Box Fo No Foget Da Deal Wit God!”

1 Samuel 4:19

Eli daughtah-in-law, dass Finehas wife, she stay hapai, an almos ready fo born her bebe. Wen she hear dat da Filisha army guys wen take Da Box, an her faddah-in-law an her husban mahke, all dat wen make da bebe start fo come, an she squat down an her bebe wen born. An her get real hard time,