1 Samuel 30:4 - Hawaii Pidgin Bible

⁴ David an his guys cry plenny, till dey not strong enuff fo cry no moa.

1 Samuel 30:4 ပူးပေါင်းရင်းမြစ်များ

Ezra 10:1

All dat time Ezra stay pray fo tell God dat no was right wat dey wen do. He stay cry an throw his body down on top da groun in front da Temple Fo God. Uku pile a Israel peopo come by him, guys an wahines an kids. Dey stay cry plenny too.

Census 14:1

All da Israel peopo yell real loud, an dey cry plenny dat nite.

Census 14:39

Wen Moses tell all da Israel peopo bout dat, dey come real sore inside.

Local Leadas 2:4

Wen da angel messenja guy pau talk lidat to all da Israel peopo, dey cry loud.

Local Leadas 21:2

Da peopo go Bethel town, an sit in front Da One In Charge till almos dark, moaning an crying real bad.

1 Samuel 11:4

Wen da messenja guys come Gibeah town wea Saul stay, an tell da peopo wat kine deal Nahash stay make, all da Gibeah peopo start fo cry real loud.

1 Samuel 30:3

Dey see dat da Amalek guys wen burn down da town awready, an make dea wifes an boys an girls prisonas!

1 Samuel 4:13

He reach Shiloh. He see Eli by da side a da road, sitting on top da pries chair, waiting, cuz Eli, he stay sked wat goin happen to Da Box Fo No Foget Da Deal Wit God. Dis Benjamin guy go inside da town fo tell wat wen happen, an afta dat, all da peopo dea yell fo help.