1 Samuel 30:14 - Hawaii Pidgin Bible

¹⁴ All us guys wen rip off stuff from da boonies wea da Keret peopo live Negev side, an da part da Judah peopo own, an da boonies wea da Caleb ohana live inside da Negev. Ziklag town, we burn all dat too.”

1 Samuel 30:14 ပူးပေါင်းရင်းမြစ်များ

2 Samuel 8:18

Benaiah, Jehoiada boy, stay in charge a da bodyguard guys dat come from da Keret an Pelet peopos. An David boys, dey work wit him.

1 Kings 1:38

So Zadok da pries guy, an Nathan da guy dat talk fo God, an Colonel Benaiah Jehoiada boy, an da guard guys from da Keret an Pelet peopos, dey all go outa da palace. Dey go fo put Solomon on top da mule dat stay spesho fo King David, an dey take Solomon down to da Gihon watta place.

1 Kings 1:44

Da King sen Zadok da pries guy, an Nathan da guy dat talk fo God, an Colonel Benaiah Jehoiada boy, an da guard guys from da Keret an Pelet peopos. Dey put Solomon on top da mule dat stay spesho fo da King.

1 Records 18:17

Benaiah, Jehoiada boy, stay in charge a da bodyguard guys from Keret an Pelet. An David boys, da main leadas by his side.

Ezekiel 25:16

Az why dis wat me Da One In Charge, da Boss, tell: I ready now fo go agains da Filisha peopo wit my powa. I goin cut off da Keret peopo, an wipe out da Filisha peopo by da coast dat still stay alive.

Zefaniah 2:5

Az why hard! You guys dat live by da shore! You Keret peopo, You Canaan peopo, wea da Filisha peopo stay, Da One In Charge grumble bout all you guys. He tell, “I goin wipe you out! No mo nobody goin stay dea!”

Joshua 14:13

Den Joshua tell God fo do good tings fo Caleb, Jefunneh boy, an he give Caleb Hebron town fo come his property.

Joshua 15:13

Jalike Da One In Charge tell Joshua fo do, he give Caleb, Jefunneh boy, one place inside Judah. Az was Hebron town, dat befo time dey call Kiriat-Arba (Arba, he da ancesta fo da Anak peopo).

Joshua 21:12

But da odda fields an towns aroun Hebron, dey awready give dem to Caleb, Jefunneh boy, fo come his property.

1 Samuel 30:1

Dis wat happen den. Same time wen David dem stay come, da Amalek guys stay rip off stuffs inside da Negev Boonies an Ziklag town. Dey attack Ziklag an burn um. Dey grab da wahines an erybody dat stay ova dea, da young ones an da ol ones too. Dey no kill nobody, but make dem go wea da Amalek guys like go. Three day afta David an his guys go way from Akish, dey come Ziklag.

1 Samuel 30:13

David aks him, “Who own you? Wea you come from?” Da young guy tell, “I from Egypt. I da slave fo one Amalek guy. Da day befo yestaday, my boss leave me hea cuz I stay sick.

1 Samuel 30:15

David aks him, “You can show me wea dose rip off guys stay?” Da Egypt guy tell, “Firs ting, you gotta make one strong promise fo me in front God, dat you no goin kill me, o give me back to my boss! Den I can bring you down by dem.” David tell um, “Shoots! Can.”

1 Samuel 30:16

So da Egypt guy take David dem down. Wen dey get dea, get Amalek guys all ova, eating, drinking, an partying up, cuz get all kine stuff dey wen rip off from da Filisha land an from da Judah land.