1 Samuel 3:19 - Hawaii Pidgin Bible

¹⁹ Da One In Charge stay wit Samuel all da time he stay grow up. An Da One In Charge make shua dat eryting Samuel wen tell, happen.

1 Samuel 3:19 ပူးပေါင်းရင်းမြစ်များ

Start 21:22

Had one time, King Abimelek an his main army guy Pikol come fo talk wit Abraham. Abimelek tell Abraham, “Eryting you do, God stay wit you an he help you.

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

Start 39:2

Dass how come Joseph stay Potifar house, cuz Potifar wen buy him. Da One In Charge, he stay tight wit Joseph an help um come one good worka fo Potifar.

Start 39:3

Da owna guy Potifar see dat, an know dat Da One In Charge stay make Joseph so eryting he do come good.

1 Kings 8:56

“Az good us guys tell, Da One In Charge do good tings fo us. All us Israel guys, us his peopo, An us can res now, Jalike he wen make one promise befo time. Da One In Charge wen make dat good promise To his worka guy Moses, An Moses wen tell us we can res too. An eryting Da One In Charge tell he goin do, He do um. Not even one word come poho.

2 Kings 10:10

So den, you guys gotta know: eryting Da One In Charge wen tell agains da Ahab ohana goin happen. Da One In Charge do wat he wen make one promise fo do, jalike his worka guy Elijah wen tell.”

2 Kings 15:12

Dis all happen da way Da One In Charge wen tell Jehu goin happen: “You, yoa boy, yoa grankid, an yoa great-grankid, goin sit on top da Israel throne, ony four a dem. Den yoa blood line goin come pau.”

2 Kings 22:16

‘Dis da message from Da One In Charge: Me, I da One goin make real bad kine stuff happen all ova dis place. Dat goin happen to all da peopo dat live hea. I goin make eryting happen dat stay tell inside da book dat da Judah king wen read.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Isaiah 44:26

Wen I tell my worka guy wat fo tell, I do wat I tell him I goin do. Wen my messenja guys make plan, I make shua all dat come out okay. I da One tell dis bout Jerusalem town, ‘Bumbye goin get peopo live ova dea one mo time.’ I tell bout da towns inside Judah, ‘Peopo goin build um up one mo time.’ I tell bout da bus up towns, ‘I goin make dea wall stan up one mo time.’

Isaiah 55:11

Dass jalike da tings I tell! Wen da words go out from my mout, Fo shua, I know Az not wase time! Da tings I tell, goin do wat I like um fo do, An make happen Wat I sen um fo make happen.”

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Luke 1:28

Da angel guy come by her an tell, “Aloha! Da One In Charge goin do someting spesho fo you. He stay wit you.”

Luke 1:80

Da boy John grow up, an his spirit come strong. He live inside da boonies till da day he come out an da Israel peopo see him.

Luke 2:40

Da boy grow an come strong. He come akamai, an God do good tings fo him.

Luke 2:52

An Jesus grow mo an mo fo know wat fo do erytime, an grow up mo an moa. An God an all da peopo tink good bout him.

2 Corint 13:11

Aloha, my braddahs an sistahs. Do eryting right. Lissen wat I tell. Tink da same way wit each odda. Be good to each odda. God get plenny love an aloha fo you guys. He goin stay wit you guys all da time an help you guys stay good wit each odda.

2 Corint 13:14

I like Da One In Charge, Jesus Christ, do plenny good tings fo you guys. I like God show you guys his love an aloha. An I like da Good An Spesho Spirit come tight wit all you guys.

Rules Secon Time 18:22

If one talka guy tell dat he talk fo Da One In Charge, but wat he tell no happen, den az neva come from Da One In Charge. Dat talka guy ack big head, but he neva lissen up real good wat Da One In Charge tell fo real kine. No come sked a him.

2 Timoty 4:22

I like Da One In Charge stay tight wit eryting inside you. An I like him fo do plenny good kine stuffs fo all you guys!

Joshua 21:45

All da good kine stuff Da One In Charge wen make one promise fo do fo da Israel peopo, he do um all. No mo notting dat he neva do!

Local Leadas 13:24

Wen da wahine born one boy, she name him Samson. Da boy grow up, an Da One In Charge do plenny good stuff fo him.

1 Samuel 10:7

Wen all dese tings happen, dat goin show I tell you da trut. So do wateva you figga az good fo do! Cuz God goin stay wit you.

1 Samuel 12:2

So now, da king, he da one dat goin stay in front you guys fo be yoa leada, not me. Me?! Now I makule awready wit gray hair. An my boys, dey still stay hea wit you guys. From da time I was one young guy till now, I da one wen stay in front you fo be yoa leada.

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”

1 Samuel 18:12

So now, Saul stay sked fo stay in front David, cuz he know dat Da One In Charge stay wit David an wen go way from Saul.

1 Samuel 18:14

An so eryting David stay do, come out good, cuz Da One In Charge stay wit him.

1 Samuel 18:5

Weneva Saul sen David fo fight, David win good. So Saul make David come one leada guy fo da army. All da army guys an Saul officer guys stay good inside bout dat.

1 Samuel 2:21

Da One In Charge no foget Hannah. Afta dat, she born three boys an two girls. An same time, da boy Samuel grow up in front Da One In Charge.

1 Samuel 2:26

Same time, da boy Samuel stay grow mo an moa. An Da One In Charge an da peopo tink good stuff bout Samuel.

1 Samuel 9:6

But da worka guy tell, “Eh, you know wat?! Get one guy inside dis town dat know God. Erybody get respeck fo him, an eryting da guy tell goin happen, happen. So, we go ova dea now. Maybe he tell us wea fo go.”