1 Samuel 26:25 - Hawaii Pidgin Bible

²⁵ Den Saul tell David, “God goin do plenny good kine stuff fo you, my boy David. Fo shua you goin do big kine tings an be da winna.” So David go way from dea an Saul go back his place.

1 Samuel 26:25 ပူးပေါင်းရင်းမြစ်များ

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Smart Guys 26:25

No tink az fo real Wat dat kine guy tell, No matta he make eryting he tell Soun real good. Cuz inside him, da guy get All pilau kine stuff he tink.

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Hosea 12:4

Jacob wen wresso wit one angel guy an win! Den he cry an beg da angel fo do someting good fo him. Laytas, Jacob find God Bethel side. An talk wit him ova dea.

Rome 8:35

You tink get somebody can cut us guys off from da love an aloha Christ get fo us guys? No ways! You tink presha, hard time, o wen get somebody dat like hurt us, o wen no mo notting fo eat, o no mo clotheses, o wen we sked, o wen we get peopo dat like kill us, dat can cut us guys off? Not even!

Rome 8:37

Cuz Christ get love an aloha fo us guys to da max, no matta wat kine trouble get, dat no bodda us, cuz we da winnas fo shua!

1 Samuel 24:19

Wen one guy find da guy dat stay agains him, he no let him get outa dea okay, eva. I like Da One In Charge do good to you fo wat wen happen today, cuz was good dat you neva kill me.

1 Samuel 24:20

An now I know dat you goin come king fo shua, an dat you get da powa fo make da Israel peopo come one strong country.

1 Samuel 24:22

Az why David make da strong promise to Saul. Den Saul go back his place, but David an his guys go back up inside da strong place fo hide wea nobody can hurt dem.