1 Samuel 26:24 - Hawaii Pidgin Bible

²⁴ Fo shua I wen make to you jalike yoa life importan, wen I neva kill you today. So same ting, I like Da One In Charge show me respeck an no let you kill me, an get me outa all kine trouble too!”

1 Samuel 26:24 ပူးပေါင်းရင်းမြစ်များ

Start 48:16

An he da angel messenja guy dat get me outa all kine trouble. Eh God! Do good kine stuff fo dese boys! Dey goin carry my name, An my faddah guys name too, Abraham an Isaac! Make um come big an plenny peopo, hea inside dis world!”

2 Samuel 4:9

But David tell Rekab an his braddah Baanah, Rimmon boys from Beerot, “Fo shua Da One In Charge stay alive, an he do wat he gotta do fo make shua I stay alive, no matta get all kine trouble.

Songs 144:2

God stay tight wit me cuz I his guy, Jalike he one strong wall On top one mountain, Dat nobody can climb ova Fo come afta me. He da One make shua Notting bad happen to me, Jalike he one shield I use Fo no let nobody touch me. He da One give me da powa Ova da odda peopos.

Songs 18:1

David tell: “Eh! You Da One In Charge! I get love an aloha fo you! You da One make me strong!”

Songs 18:25

Eh God! Fo da peopo dat stay tight wit you, You show um dat you stay tight wit dem too. Fo da peopo dat stay do da right ting, You show um dat you stay do da right ting fo dem.

Songs 18:48

Wen da peopo dat stay agains me like hurt me, He get me outa da trouble. Eh God! You even make me mo importan Den da peopo dat come agains me. Wen peopo come fo bus me up, You get me outa trouble.

Songs 34:20

Da One In Charge goin take kea dem, No mo even one bone goin broke.

Songs 54:7

You get me outa All kine trouble awready, An I wen see awready wat you do Bout da peopo dat stay agains me.

Matthew 5:7

“Da peopo dat pity da odda peopo, an give um chance, Dey can stay good inside Cuz God goin pity dem an give um chance too.

Matthew 7:2

Da way you guys judge da odda guys, dass how God goin judge you guys too. An da rules you guys use fo judge, he goin use da same rules fo judge you guys too.

Jesus Guys 14:22

Dey give good kine words to da peopo dat stay tight wit Jesus fo help um stick wit da Good Stuff Bout Jesus fo dem trus Jesus. Dey tell, “Us guys gotta suffa plenny befo us guys see God come oua king.”

2 Tessalonika 3:2

An pray to God fo make da peopo dat do bad stuff stay away from us. Cuz you know, get peopo dat no like trus da stuff we stay tell um.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

1 Samuel 18:30

Weneva da main leada guys fo da Filisha army take dea guys out fo make war, da same ting happen—David an his guys win ova dem, mo plenny den da odda leada guys fo Saul army. Dass how erybody know dat David one awesome kine guy.

1 Samuel 24:16

Wen David pau talk lidat to Saul, Saul aks, “David, my boy, az yoa voice, o wat?” An Saul, he cry plenny, loud kine.