1 Samuel 26:12 - Hawaii Pidgin Bible

¹² So David take da spear an da watta canteen dat stay nea Saul head, an dey get outa dea. Nobody wen see um, o know bout um, o wake up. Dey all stay sleep cuz Da One In Charge wen make dem pass out sleep.

1 Samuel 26:12 ပူးပေါင်းရင်းမြစ်များ

Start 15:12

Den, wen da sun go down, Abram pass out in one deep sleep. He feel jalike someting dark come ova him an he sked plenny.

Start 2:21

Den God, Da One In Charge, make da guy lie down an pass out sleep. Wen da guy stay sleeping, God take one rib outa his side, an den close up da place wit skin.

Esther 6:1

Dat nite da king no can sleep. Az why he tell his guys bring da record book, da one wea dey write down eryting dat happen from da time he come king. He like fo somebody read um fo him.

Isaiah 29:10

Cuz jalike Da One In Charge wen make you pass out an sleep! You guys dat talk fo him, He shut yoa eyes real good. You guys dat can see wat goin come bumbye, Jalike he wen cova yoa head wit one cloth.

1 Samuel 24:4

Da guys tell David, “Fo shua, now da time dat Da One In Charge talk bout wen he wen tell you, ‘I goin give you powa ova da guy dat stay agains you fo you make to him how you like.’ ” Den David go real quiet by Saul, an cut off one corna from Saul robe, an Saul neva even know.

1 Samuel 26:13

Den David go da odda side far away, an stan on top one hill plenny far from Saul.

1 Samuel 26:7

So nite time, David an Abishai go da army camp. Dey spock Saul stay sleeping inside da camp, wit his spear stuck inside da groun by his head. Abner an da army guys stay sleep all aroun him.