1 Samuel 25:5 - Hawaii Pidgin Bible

⁵ So he pick ten young guys, an tell um, “Go up country Carmel side by Nabal. Wen you get dea, tell um you my guys, an tell um, ‘Howzit’ fo me, cuz time fo pay up cuz I wen proteck him an his sheeps.

1 Samuel 25:5 ပူးပေါင်းရင်းမြစ်များ

Start 43:23

Da guy dat work fo Joseph, he tell um, “Eh! No worry, eryting good! No sked! Gotta be yoa God, yoa faddah guy God, dat wen put silva inside yoa bags. Cuz da silva you guys wen pay dat time, all dat wen come to me, you know.” Den da guy bring Simeon outside by da odda braddahs.

1 Records 12:18

Den God Spirit take ova Amasai, da leada fo da thirty bestes army guys. He tell, “Us, yoa guys, David! Us stay tight wit you, Jesse boy! Us like eryting come real good fo you fo real kine, An same ting fo da guys dat help you win, Cuz yoa God help you.” So David take dem, an make dem da leadas fo his raida kine army guys.

1 Samuel 17:18

An take dese ten wheel cheese fo dea main leada guy. Check out yoa braddahs fo me an make shua eryting stay good wit dem, an bring back someting fo show me how dey stay.

1 Samuel 17:22

David leave da stuff he bring wit da guy dat suppose to watch erybody stuffs, an he run by da place wea da army guys line up fo aks his braddahs if eryting stay good.

1 Samuel 25:4

David stay inside da boonies, but he find out dat Nabal stay cut da wool from his sheeps.

1 Samuel 25:6

Tell him dis: ‘David tell, he like you live long time, an he like eryting come out good fo you an yoa ohana, an eryting dat you get stay pono.’