1 Samuel 25:32 - Hawaii Pidgin Bible

³² David tell Abigail, “Awesome! Da One In Charge, da God fo da Israel peopo, do someting real good fo me right now, cuz he sen you today fo meet me!

1 Samuel 25:32 ပူးပေါင်းရင်းမြစ်များ

Start 24:27

He tell, “I like tell dis: Da One In Charge, he da God fo my boss guy Abraham. He make eryting come out good fo Abraham, fo shua! God no broke his promise fo stay tight wit my boss an do wat he tell he goin do. An same ting fo me too, Da One In Charge show me wea fo go, strait to da peopo from my boss guy ohana, jalike I suppose to do!”

1 Kings 1:48

Den he pray to God lidis: “I like tell good tings bout you, cuz you Da One In Charge, da God fo da Israel peopo. Today, you wen let one a my boys take ova da throne from me, an you wen let me see all dat happen!”

1 Kings 8:15

He tell da peopo: “You know Da One In Charge, da God fo us Israel peopo! We like tell, he do good tings fo us! God wen make one promise to my faddah David befo time. An now, God use his powa fo do da ting he wen promise fo do.

Ezra 7:27

Den Ezra tell: “I like tell erybody good tings bout Da One In Charge, da God fo oua ancesta guys. He da One dat wen make King Artaxerxes help fix da Temple Fo Da One In Charge, Jerusalem side, an make um real nice!

Songs 106:48

Good fo tell erybody Dat Da One In Charge, Da God fo da Israel peopo, Stay do good tings fo us guys From befo time, an foeva! We like all da peopo tell, “Dass right!” Tell good tings Bout Da One In Charge!

Songs 31:22

Me, I wen come sked, an right den an dea I wen yell, “Eh! I stay cut off from you, Da One In Charge!” But you wen hear me Yell to you fo help me An you wen help me.

Songs 72:18

I like erybody tell good tings bout God, Da One In Charge, Da God fo us Israel peopo! Him da ony god dat do stuff Dass awesome fo real kine!

Outa Egypt 18:10

Jetro tell, “I like tell good kine stuff bout Da One In Charge. He wen get you guys outa trouble wit da Egypt peopo an wit da Pharaoh guy. He take da peopo outa dea fo dem no gotta be slaves fo da Egypt peopo!

Luke 1:68

“Tell good tings bout Da One In Charge, Da God fo da Israel peopo! He come fo cut loose his peopo From da peopo dat stay agains us.

2 Corint 8:16

But I tell God “Mahalo plenny!” cuz he wen make Titus like go all out fo help you guys, jalike me.

Joshua 22:33

Da peopo stay good inside wen dey hear dat, an tell good tings bout God. An dey no talk no mo bout make war agains dea braddahs, fo wipe out da land wea da Reuben ohana an da Gad ohana live.