1 Samuel 25:25 - Hawaii Pidgin Bible

²⁵ No let dat guy Nabal bodda you! He no good kine! An he ack jalike his name. His name mean ‘Stupid,’ an he do stupid kine stuff. But I yoa worka wahine, an I neva see da guys dat you, my boss, wen sen befo time.

1 Samuel 25:25 ပူးပေါင်းရင်းမြစ်များ

2 Samuel 13:33

You my boss, da king. No worry wen da peopo tell, dat all yoa boys wen mahke. Fo shua, ony Amnon mahke.”

Smart Guys 29:7

Da guys dat do wass right erytime, Dey know dat da peopo dat no mo powa Get rights wen dey gotta go in front da judge. Da guys dat stay do bad kine stuff, Dey no even tink bout da rights da odda guys get.

Isaiah 32:5

Dat time, da stupid kine guys Dat ack jalike God no matta, Nobody goin tell dey get one good heart Fo help peopo. Da guys dat bulai erybody, Nobody goin get respeck fo dem.

Isaiah 42:25

So, dass how come Da One In Charge wen come real huhu Wit da Israel peopo, an punish dem. He make odda peopo go make war agains dem. Da war jalike get fire all aroun dem, But dey still yet no undastan! Da fire wipe dem out, But dey still yet no tink!

Malakai 2:2

Dis wat Da One In Charge, Da God Ova All Da Armies tell: “Maybe you guys goin make deaf ear, an no like lissen fo show respeck fo me, no matta you know wat kine god me. Den I goin put kahuna on top you guys. Even da good tings I wen do fo you guys, I goin put kahuna fo make all dat come bad fo you guys. Dass cuz you guys no go all out fo show respeck fo me, no matta you know wat kine god me!

1 Samuel 25:17

Now, tink bout all dis, an figga out wat fo do, cuz David guys stay ready fo do someting real bad to oua boss an all his ohana peopo, an all us worka guys too. You know Nabal, aah? He da kine guy dass ony bad, so no mo nobody can talk to him.”

1 Samuel 25:24

Down by his feets, she tell, “You da boss! Let me be da ony one get da blame fo all dis. Yeah, try let me, yoa worka wahine, tell you someting. Lissen up wat I goin tell.

1 Samuel 25:26

“Now, fo shua Da One In Charge stay alive, an you stay alive. I stay shua bout dis: Da One In Charge, he da one dat no let you kill nobody o be da one pay him back. An I like da peopo dat stay agains you, an erybody dat like hurt you, come jalike Nabal.