1 Samuel 25:24 - Hawaii Pidgin Bible

²⁴ Down by his feets, she tell, “You da boss! Let me be da ony one get da blame fo all dis. Yeah, try let me, yoa worka wahine, tell you someting. Lissen up wat I goin tell.

1 Samuel 25:24 ပူးပေါင်းရင်းမြစ်များ

Start 44:18

Den Judah go nea Joseph an tell um, “Eh, you my boss, an I yoa slave guy! So try let me, yoa slave guy, tell dis one ting. Try no come huhu wit me, cuz you get da same kine powa jalike da Pharaoh guy!

2 Samuel 14:12

Den da wahine tell, “Try let me tell you, my boss da king, one mo ting.” He tell, “Shoots! Tell me.”

2 Samuel 14:9

But da wahine from Tekoa tell da king, “My boss da king, if az wrong fo let go da killa guy, den let me get da blame, me an my faddah ohana. You an yoa ohana no mo da blame fo do dat.”

2 Samuel 20:17

So dey tell Joab, an he go by her. She tell, “Eh! You Joab?” He tell, “Az me.” She tell, “I yoa worka wahine. So you betta lissen wat I goin tell you!” He tell, “Kay den. I stay lissen.”

2 Kings 4:37

So she come inside da room an go down on top da floor by Elisha feet fo show him respeck. Den she take her boy, an go out.

Esther 8:3

One mo time Esther talk to da king. She go down by da king feets an cry, an beg da king fo stop da real bad plan dat Haman da Agag guy wen make agains da Jews.

Smart Guys 25:15

If you hang in dea long time, An no come huhu, You can make da leada guys tink Da same way you tink. If you talk nice to dem, Even da hard head guys goin lissen.

Teacha 10:4

If one leada guy come huhu wit you, No good you bag from yoa kuleana. No quit! One cool head can cool down da odda guy, Even wen dey jam up big time.

Matthew 18:29

Da odda worka guy go down an beg um, ‘Try wait! Give me chance! I goin pay you back all da money.’

1 Samuel 24:8

Saul go on top da trail. An David go outside da cave, an yell to him, “Hui! My boss, da king!” Saul turn aroun an look behind at David. David go down an put his face on top da groun fo show respeck fo Saul.

1 Samuel 25:23

Wen Abigail see David, she real fas get off her donkey, an go down in front him wit her face on top da dirt fo show um respeck.

1 Samuel 25:25

No let dat guy Nabal bodda you! He no good kine! An he ack jalike his name. His name mean ‘Stupid,’ an he do stupid kine stuff. But I yoa worka wahine, an I neva see da guys dat you, my boss, wen sen befo time.

1 Samuel 25:28

I stay real sorry if I wen bum you out. Try let me go fo dat?! Cuz fo shua, Da One In Charge goin make da peopo dat goin come from you stay strong an solid cuz you fight fo him. You no do notting wrong, all da time you stay alive.