1 Samuel 25:23 - Hawaii Pidgin Bible

²³ Wen Abigail see David, she real fas get off her donkey, an go down in front him wit her face on top da dirt fo show um respeck.

1 Samuel 25:23 ပူးပေါင်းရင်းမြစ်များ

2 Samuel 1:2

Day numba three, one young guy show up from da camp wea Saul army guys wen stay. Jus fo show dat he stay sad inside, his clotheses stay rip, an he get dirt on top his head. Wen he come by David, he go down on top da groun fo show David plenny respeck.

2 Samuel 14:4

Wen da wahine from Tekoa go talk to da king, she go down an put her face on top da groun fo show respeck fo him. She tell, “Help me, my king!”

2 Samuel 18:28

Den Ahimaaz yell to da king, “Eryting stay good!” He go down in front da king an put his face on top da groun.

2 Samuel 9:6

Mefiboshet, Jonathan boy an Saul grankid, come by David. He go down on top da groun fo show David respeck. David tell, “Eh Mefiboshet!” Mefiboshet tell, “Az me, an you my boss.”

1 Records 21:21

Wen David come by Ornan, Ornan see him. He come out from wea he working, an go down in front David, an put his face on top da groun.

Joshua 15:18

Da same day Otniel marry Aksah, she talk nice to him an tell him az good if he aks her faddah fo give dem some property country side. Wen she get down from her donkey, her faddah aks her, “Wat you like me do fo you?”

Local Leadas 1:14

One time afta Aksah marry Otniel, she talk nice to him, fo go aks her faddah give dem one field fo dea property. Den wen she go by Caleb an get off her donkey, Caleb aks her, “Wat you like me do fo you?”

Ruth 2:10

Ruth, she go down quick by Boaz feet an put her face on top da groun fo show um respeck. She tell um, “Eh mista, mahalo plenny! How come you stay good to me an even talk to me? I ony one wahine from anodda country, you know.”

1 Samuel 20:41

Afta da boy go, David stan up from da south side a da rock pile. He go down in front Jonathan three time, an put his face on top da groun. Den dey kiss each odda an cry togedda. But David, he cry mo plenny.

1 Samuel 24:8

Saul go on top da trail. An David go outside da cave, an yell to him, “Hui! My boss, da king!” Saul turn aroun an look behind at David. David go down an put his face on top da groun fo show respeck fo Saul.

1 Samuel 25:24

Down by his feets, she tell, “You da boss! Let me be da ony one get da blame fo all dis. Yeah, try let me, yoa worka wahine, tell you someting. Lissen up wat I goin tell.

1 Samuel 25:41

She go down an put her face on top da groun, an tell, “Kay den! I stay ready fo wateva David like, even fo wash his worka guys feets.”