1 Samuel 25:1 - Hawaii Pidgin Bible

¹ Wen Samuel mahke, all da Israel peopo come togedda, an come sad inside cuz he mahke. Dey bury him his place inside Ramah. Den David start fo move house south side fo go da Paran Boonies.

1 Samuel 25:1 ပူးပေါင်းရင်းမြစ်များ

Start 14:6

Den dey go up country to da Seir Range an make war wit da Hor peopo. Dey chase da Hor peopo all da way to El Paran nex to da boonies wea no mo nobody.

Start 21:21

Da time Ishmael stay live inside da boonies Paran side, his muddah go Egypt side, an she bring back one wahine from dea fo come Ishmael wife.

Start 23:2

She mahke Canaan side, Kiriat-Arba town (dass Hebron, you know). Abraham go inside da tent wea dey put Sarah body, an he cry plenny fo her. He no shame fo show erybody dat he real sore inside.

Start 50:11

Da Canaan peopo dat live dea, dey see da peopo crying ova dea, an dey tell, “Da Egypt peopo, dey stay get one importan kine funeral!” Az why dey call dat place Abel-Mizraim, dat mean “Egypt Peopo Funeral Place,” dea language. Stay da east side a da Jordan Riva.

1 Kings 2:34

So Benaiah, Jehoiada boy, go up dea an attack Joab an kill um. Da peopo bury Joab by his house, nea da boonies.

2 Kings 21:18

Manasseh mahke, an da peopo bury him wit his ancesta guys, inside da garden fo his palace, dat dey call Uzza Garden. An his boy Amon come da nex king afta him.

2 Records 33:20

Manasseh mahke an go by his ancesta guys. Dey bury him inside his palace. An his boy Amon come king afta him.

Songs 120:5

Bummahs! I gotta live Far away from my peopo, Jalike I stay wit da no good peopo Meshek side, O jalike I put up one tent Wit da Kedar peopo.

Isaiah 14:18

In all da countries, weneva one king mahke, Da peopo erytime let da body stay inside da palace An dey go dea fo show um respeck.

Zekariah 1:5

“Yoa ancesta guys—wea dey stay now?! Da guys dat wen talk befo time fo me, Da One In Charge—you guys tink dey stay alive foeva, o wat?!

Census 10:12

Dass wen da Israel peopo start fo go out from da Sinai Boonies, an go from dis place to dat place till da cloud come down inside da Paran Boonies.

Census 12:16

Afta dat, da peopo leave Hazerot, an make camp inside da Paran Boonies.

Census 13:26

Dey come back by Moses an Aaron, an all da Israel peopo, dat stay Kadesh town inside da Paran Boonies. Ova dea dey tell da peopo eryting dey wen see, an show dem all da fruit from da land.

Census 13:3

So jalike Da One In Charge tell him, Moses sen dem out from da Paran Boonies. All a da guys stay leadas fo da Israel peopo.

Census 20:29

Wen all da peopo see dat Aaron mahke, all da peopo make one ceremony fo rememba him fo thirty day.

Jesus Guys 8:2

Some guys dat trus God an do wat he tell bury Stephen, an dey stay sad an cry hard cuz he mahke.

Rules Secon Time 34:8

Da Israel peopo stay inside da flat country place Moab side thirty days, cuz dey stay sad inside an cry plenny afta Moses mahke, till da time fo cry pau.

1 Samuel 1:19

Nex morning, Elkanah an his family get up early. Afta dey go down in front Da One In Charge fo tell how awesome him, dey go home to Ramah. Elkanah sleep wit Hannah, an Da One In Charge lissen wat she pray an do um.

1 Samuel 28:3

Befo time, wen Samuel mahke, all da Israel peopo wen cry fo him. Dey bury him inside Ramah, his home town. Dat time, Saul wen throw out from da Israel land, da wahines dat can talk to da mahke peopo, an da fortune tella guys.

1 Samuel 7:17

But he erytime go back by Ramah, cuz he stay judge da Israel peopo ova dea too, an az wea he live. An he build one altar ova dea fo Da One In Charge.