1 Samuel 24:20 - Hawaii Pidgin Bible

²⁰ An now I know dat you goin come king fo shua, an dat you get da powa fo make da Israel peopo come one strong country.

1 Samuel 24:20 ပူးပေါင်းရင်းမြစ်များ

Job 15:25

All dat happen cuz da bad kine guys make fis fo fight God! Dey get big head an tink dey can handle Da God Dat Get All Da Powa!

Songs 7:5

If dass wat I wen do, Den okay fo da guys dat stay agains me Chase me an catch me. Okay fo dem poun me on top da groun an kill me An leave my mahke body on top da dirt. (Time out fo da music.)

Smart Guys 25:21

Wen get somebody hate you, If da guy hungry, feed um. If da guy thirsty, give um watta fo drink.

Matthew 2:13

Afta da guys dat know plenny bout da stars go home, you know wat? Had one angel guy from Da One In Charge come by Joseph, wen he stay dream. Da angel guy tell him, “Eh Joseph! Wake up! Take yoa boy an his muddah, an go run Egypt side. Stay ova dea till I tell you fo come back. King Herod, he goin look fo da boy fo kill um dass why.”

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Ruth 2:12

“I like Da One In Charge do plenny good tings Fo pay you back good kine, Cuz a all da tings you wen do fo Naomi. He Da One In Charge, da God fo da Israel peopo. You wen come by him, An now he goin take kea you!”

1 Samuel 13:14

So dass why you no goin be da ancesta fo da king guys! Da One In Charge stay look fo one guy dat tink an do stuff jalike him, an he pick dat guy awready fo come da leada fo his peopo, cuz you no do wat Da One In Charge tell you fo do!”

1 Samuel 23:17

Jonathan tell, “No sked! My faddah Saul get plenny powa, but he no goin find you. An you, you goin come da king fo da Israel peopo, an I goin come yoa numba one guy. Even my faddah Saul know az true.”

1 Samuel 26:25

Den Saul tell David, “God goin do plenny good kine stuff fo you, my boy David. Fo shua you goin do big kine tings an be da winna.” So David go way from dea an Saul go back his place.