1 Samuel 23:6 - Hawaii Pidgin Bible

⁶ (You know, da time Abiatar, Ahimelek boy, run away from Saul, he go by David Keilah side. Dat time, Abiatar wen bring wit um da spesho kine ves dat da Main Pries Guy wea. An dass how he find out stuff from Da One In Charge, fo tell David.)

1 Samuel 23:6 ပူးပေါင်းရင်းမြစ်များ

1 Kings 2:26

Da King tell Abiatar da pries guy, “Go back Anatot side, wea you get land. You suppose to mahke. But I no goin kill you today, cuz you wen help carry da Box Fo No Foget Da Deal Wit Da One In Charge a me, in front my faddah David, an cuz you wen suffa all da time my faddah wen suffa.”

Outa Egypt 28:6

“Make da pries kine ves wit gold, an wool string (blue, purple, an red), an fancy kine linen string, an dis az da kine work da real smart guys goin make.

1 Samuel 14:18

Saul tell Ahijah, “Bring da Box Fo No Foget Da Deal Wit God ova hea!” Cuz dat time da Box stay wit da Israel peopo.

1 Samuel 14:3

Ahijah stay wit dem too. His faddah was Ikabod braddah Ahitub, an his granfaddah was Finehas, Eli boy (dass da Eli guy dat befo time was Da One In Charge pries guy Shiloh town). Now, Ahijah, he da pries guy dat wear da spesho kine ves cuz he da Main Pries Guy. No mo nobody know dat Jonathan wen go way from dea awready.

1 Samuel 22:20

But get one a Ahimelek boys an Ahitub grankids, name Abiatar, dat get outa dea an run fo go by David.

1 Samuel 23:2

So David aks Da One In Charge, “You tink goin be good, o wat, if me an my guys go attack dese Filisha guys?” Da One In Charge tell um, “Shoots! Go afta da Filisha guys, an get da Keilah peopo outa trouble.”

1 Samuel 23:5

So, David an his guys go Keilah side, fight da Filisha guys, an wack um real hard an carry off dea cows an sheeps. Dey kill plenny Filisha guys. An dass how David get da Keilah peopo outa trouble.

1 Samuel 23:7

Somebody tell Saul dat David wen go Keilah side. Saul tell um, “God wen bring David to me awready! Cuz David awready one prisona wen he go inside one town dat get strong wall an gates an bars, you know.”

1 Samuel 23:9

Wen David find out dat Saul an his guys stay make one plan fo hurt him, David tell Abiatar, da pries guy, “Bring da spesho pries kine ves! I gotta find out wat God like me fo do!”

1 Samuel 30:7

Den David tell Abiatar da pries guy, Ahimelek boy, “Try bring me da spesho pries kine ves you use fo aks God wat fo do.” An Abiatar go get um.