1 Samuel 23:4 - Hawaii Pidgin Bible

⁴ So David go aks Da One In Charge bout da plan one mo time. Dis time Da One In Charge tell um, “Go down Keilah side, cuz I goin give you da powa fo win ova da Filisha guys.”

1 Samuel 23:4 ပူးပေါင်းရင်းမြစ်များ

2 Samuel 2:1

Bumbye, afta David pau cry fo Saul an Jonathan, David aks Da One In Charge, “Time awready fo me an my guys move house ova dea to one a da Judah ohana towns, o wat?” Da One In Charge tell um, “Shoots.” David aks, “Wat town, aah?” Da One In Charge tell, “Hebron.”

2 Samuel 5:19

So David go aks Da One In Charge, “I suppose to go attack da Filisha guys, o wat? You goin let me win ova dem, o wat?” Da One In Charge tell David, “Go attack um, cuz fo shua, I goin let you win ova um!”

2 Kings 3:18

Dis, az one easy kine ting da way Da One In Charge see um. Den he goin give you guys da powa fo take ova da Moab peopo.

1 Records 14:10

So David aks God, “Good me an my guys go afta da Filisha guys, o wat? You goin give um to me, o wat?” Da One In Charge tell him, “Go. I goin give dem to you.”

Joshua 8:7

But you guys, wen we run away from dem, you goin stan up an come outa wea you stay hide. You goin take ova Ai town. Yoa God Da One In Charge goin give you guys da town.

Local Leadas 6:39

Den Gideon tell God, “Try no come huhu wit me. I goin aks fo one mo tes wit da skin. Dis time, make ony da wool stay dry an da groun get dew all ova um!”

Local Leadas 7:7

Da One In Charge tell Gideon, “I goin get you outa da Midian guys powa, an give you guys da powa fo win ova dem, wit da three hundred guys dat lick da watta wit dea tongue. All da odda guys, dey go home.”

Local Leadas 7:9

Nite time, Da One In Charge tell Gideon, “Stan up. Go down by da camp. Cuz I goin make you guys win ova da Midian guys.

1 Samuel 10:22

So dey aks Da One In Charge one mo time, “Dat guy come hea yet?” Da One In Charge tell, “Yeah, he stay. He wen hide ova dea wea da peopo put dea stuffs.”

1 Samuel 23:2

So David aks Da One In Charge, “You tink goin be good, o wat, if me an my guys go attack dese Filisha guys?” Da One In Charge tell um, “Shoots! Go afta da Filisha guys, an get da Keilah peopo outa trouble.”

1 Samuel 23:3

But David guys tell him, “Eh, us guys ova hea inside Judah, we sked! An we goin come even mo plenny sked if we go ova dea Keilah side, wea da Filisha guys stay ready fo fight!”

1 Samuel 23:5

So, David an his guys go Keilah side, fight da Filisha guys, an wack um real hard an carry off dea cows an sheeps. Dey kill plenny Filisha guys. An dass how David get da Keilah peopo outa trouble.

1 Samuel 28:6

He aks Da One In Charge fo tell wat goin happen, but Da One In Charge no tell him notting—not inside his dreams, o wit da Urim da Main Pries Guy use, o from da guys dat talk fo Da One In Charge. Notting!

1 Samuel 30:8

David aks Da One In Charge, “Az good fo me go chase afta dese guys dat wen rip us off, o wat? Can catch up wit dem, o no can?” Da One In Charge tell, “Go! Chase um! Fo shua you goin catch um, an fo shua you goin get yoa peopo back!”