1 Samuel 22:16 - Hawaii Pidgin Bible

¹⁶ But da king tell him, “Fo shua, Ahimelek! You goin mahke! You an all yoa faddah ohana!”

1 Samuel 22:16 ပူးပေါင်းရင်းမြစ်များ

1 Kings 18:4

Befo time, wen Jezebel stay kill da guys dat talk fo Da One In Charge, Obadiah wen take one hundred a dem an hide um, fifty inside one big cave, an fifty mo inside anodda cave, an he make shua dey get food an watta.)

1 Kings 19:2

Az why Jezebel sen one messenja guy by Elijah fo tell him, “Befo dis time tomorra, I goin make you jalike you make da guys you wen kill! An if I no do dat, I like my gods do da same kine ting to me, an even mo worse!”

Esther 3:6

But wen Haman find out who Mordecai peopo, Haman tink az no good if he kill ony Mordecai. He tink mo betta he find someting fo him wipe out all da Jews, Mordecai peopo, all ova da land wea Xerxes stay king.

Smart Guys 28:15

Wen one leada guy stay bad, An da peopo dat no mo notting No can do notting bout da guy, Dey feel jalike get one lion Dat make big noise fo bite um, O jalike get one bear dat stay chase um.

Daniel 2:12

Dat wen make da king come real huhu, wat da smart guys tell him. He tell his helpa guys fo kill all da smart guys inside Babylon.

Daniel 2:5

Da king tell da kahuna guys, “I tell you guys dis fo shua. If you guys no can tell me wat I wen dream, an wat da dream mean, I goin tell my odda worka guys fo cut off yoa arms an legs, an make yoa house come one big rubbish pile.

Matthew 2:16

King Herod, he find out dat da guys dat know plenny bout da stars trick him, an he come real wild. He sen his army guys an tell um, “Go inside Betlehem an all da odda place ova dea, an kill all da small boys.” Dey kill all da boys two year ol an mo younga. Herod figga dat time, cuz da guys dat know plenny bout da stars wen tell him wat time da star show up firs time.

Jesus Guys 12:19

Dey tell King Herod, an he tell um fo look all ova fo Peter. But dey no can find um. Herod aks da guards dat stay watch Peter all kine question bout wat wen happen. Den he tell da odda guys fo kill da guards. Laytas King Herod go from Judea to Cesarea an stay ova dea short time.

Rules Secon Time 24:16

No kill da faddahs fo punish um fo someting dea kids wen do. An no kill da kids fo punish dem fo someting dea faddahs wen do. Erybody gotta mahke fo da bad kine stuff dey wen do.

1 Samuel 14:44

Saul tell, “You gotta mahke, Jonathan, o God goin pay me back plenny moa!”

1 Samuel 20:31

Cuz all da time Jesse boy stay alive, no way you can stay shua bout notting, an no way you goin be king! So now, tell one a yoa guys fo go grab da buggah an bring um hea by me cuz he gotta mahke!”

1 Samuel 22:15

You tink dat day was da firs time, o wat?! dat I wen aks God fo tell me wass goin happen fo David?! No way! You da king, but no way can poin finga me o my faddah ohana guys, cuz I neva know notting bout all dis kine stuff!”

1 Samuel 22:17

Den Saul tell da guys dat guard him: “Go all aroun da pries guys dat work fo Da One In Charge, an kill um! Cuz dey on da same side wit David. Dey know he stay run away from me, but dey neva tell me.” But da army guys no like do notting fo attack da pries guys dat work fo Da One In Charge.