1 Samuel 22:10 - Hawaii Pidgin Bible

¹⁰ Ahimelek aks Da One In Charge fo tell him wass goin happen wit David. He give David food, an give um da sword too dat Goliat da Filisha guy use.”

1 Samuel 22:10 ပူးပေါင်းရင်းမြစ်များ

Census 27:21

Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”

1 Samuel 10:22

So dey aks Da One In Charge one mo time, “Dat guy come hea yet?” Da One In Charge tell, “Yeah, he stay. He wen hide ova dea wea da peopo put dea stuffs.”

1 Samuel 21:10

Dat same day, David run away from Saul, he go by Akish, da Gat king.

1 Samuel 22:11

Den King Saul sen somebody fo tell Ahimelek fo come, an all his faddah ohana guys too. Dey da pries guys Nob side, an dey all come in front da king.

1 Samuel 22:13

Saul aks him, “How come you pries guys all gang up agains me, you an Jesse boy? You give him food, an one sword, an aks God fo show him wass goin happen. So now he make war wit me, an stay wait fo jump me, jalike he make today.”

1 Samuel 22:15

You tink dat day was da firs time, o wat?! dat I wen aks God fo tell me wass goin happen fo David?! No way! You da king, but no way can poin finga me o my faddah ohana guys, cuz I neva know notting bout all dis kine stuff!”

1 Samuel 23:12

David aks, “Fo real den, da leada guys, goin turn me an my guys ova to Saul, o wat?” Da One In Charge tell um, “Yeah! Dey goin turn you ova to Saul.”

1 Samuel 23:2

So David aks Da One In Charge, “You tink goin be good, o wat, if me an my guys go attack dese Filisha guys?” Da One In Charge tell um, “Shoots! Go afta da Filisha guys, an get da Keilah peopo outa trouble.”

1 Samuel 23:4

So David go aks Da One In Charge bout da plan one mo time. Dis time Da One In Charge tell um, “Go down Keilah side, cuz I goin give you da powa fo win ova da Filisha guys.”

1 Samuel 30:8

David aks Da One In Charge, “Az good fo me go chase afta dese guys dat wen rip us off, o wat? Can catch up wit dem, o no can?” Da One In Charge tell, “Go! Chase um! Fo shua you goin catch um, an fo shua you goin get yoa peopo back!”