1 Samuel 21:12 - Hawaii Pidgin Bible

¹² David tink plenny bout wat dey tell. Dass why he come plenny sked a Akish, da Gat king.

1 Samuel 21:12 ပူးပေါင်းရင်းမြစ်များ

Start 26:7

Da Gerar guys aks um bout his wife Rebecca. He tell um, “She my sistah.” He sked fo tell um she his wife, cuz he figga bumbye dem guys goin kill um fo take Rebecca. She real good looking, az why.

Songs 119:11

Da tings you tell, I keep um inside me, Cuz dey real importan fo me. So den bumbye I no go do notting bad An go agains you.

Songs 34:4

I wen try fo come close To Da One In Charge, An he let me. He wen get me outa eryting Dat make me come real sked.

Songs 56:3

But any time I stay sked, You da one I trus.

Luke 2:19

But Mary put all dese tings inside her, an tink plenny how spesho dey stay.

Luke 2:51

So Jesus go back wit dem to Nazaret, an erytime he do wat dey tell um fo do. But his muddah no tell notting to nobody, but tink plenny bout um.

1 Samuel 18:7

Wen dey dance, dey sing one good fun kine song lidis: “Saul wack down tousans an tousans a guys, An David wack down ten tousans an ten tousans a guys!”

1 Samuel 21:10

Dat same day, David run away from Saul, he go by Akish, da Gat king.

1 Samuel 21:13

So den he ack jalike he pupule weneva dey see him. All da time he stay dea, he ack pupule kine. He scratch up da doors a da town gate, an let spit run down his beard.