1 Samuel 20:5 - Hawaii Pidgin Bible

⁵ Az why David tell, “Look, tomorra goin get da spesho religious kine ceremony wen da New Moon show up, an I suppose to be dea fo eat wit da king. But you, I like you fo tell me I can go way. Den I goin go hide some place outside da town, till da day afta tomorra wen litto mo dark.

1 Samuel 20:5 ပူးပေါင်းရင်းမြစ်များ

2 Kings 4:23

Her husban aks, “How come you like go by him today? Dis not da sacrifice time fo da New Moon o da Res Day.” She tell, “Az okay.”

Songs 55:12

I can handle wen da guys dat stay agains me Like make me come shame. But I go hide wen da peopo dat hate me Make any kine to me.

Songs 81:3

Wen da month start, da new moon time, Blow da sheep horn trumpets! Same ting Fo oua spesho religious kine ceremony Wen da moon come full!

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Amos 8:5

You guys, dis wat you tink, aah? ‘Us guys no like wait fo da new moon time Wen da religious kine ceremonies all pau! Cuz us guys like sell food. But no can, till da religious kine ceremonies all pau! An us guys no like wait fo sell da wheat Till da Res Day pau. Us guys goin make uku pile a money, Cuz da measure us guys use, Goin be mo small den suppose to be. We goin take da money from da peopo Fo mo den wat dey suppose to pay. Den, wateva dey buy, We goin jam up da scale too.

Census 10:10

An wen you guys stay real good inside, wen you guys make da spesho religious kine ceremonies, an da New Moon spesho times, you guys goin blow um long time wit da trumpets ova yoa sacrifices dat you burn up an da sacrifices fo show dat me an you stay good. Dass how da trumpets goin make me no foget you guys. Cuz me, Da One In Charge, I yoa God.”

Census 28:11

“Da firs day ery month you guys goin give me, Da One In Charge, one burn up kine sacrifice wit two young bull, one boy kine sheep, an seven boy kine bebe sheep one year ol, an all dis gotta be no mo notting wrong wit um.

John 8:59

Den dem guys go get rocks fo stone Jesus fo kill um. But he hide an go outside from da open lanai fo da Temple.

Jesus Guys 17:14

Right den an dea da braddahs sen Paul da coast side, but Silas an Timoty stay inside Berea.

Colosse 2:16

Az why no let nobody poin finga you guys fo wat you guys eat an drink, an fo how you guys make spesho religious kine days: dass da holidays, da traditions, an da Res Days.

1 Samuel 19:2

Az why he tell David, “Betta watch out, cuz my faddah Saul stay looking fo one chance fo kill you. Watch out tomorra morning! Go some place wea he no can find you an hide ova dea.

1 Samuel 20:18

Den Jonathan tell David, “Tomorra get da New Moon spesho kine religious kine ceremony. Dey goin know dat you no stay, cuz no mo nobody goin sit yoa place by da table.

1 Samuel 20:19

Da day afta tomorra, wen litto mo ready fo da dark time come, go all da way down by da place wea you wen hide wen dis trouble start, an wait nea da pile up stone dat stay dea.

1 Samuel 20:24

So David go hide outside da town. Wen da spesho religious kine ceremony fo da New Moon start, da king sit down fo eat.

1 Samuel 20:27

But da nex day, da secon day fo da New Moon religious kine ceremony, David place one mo time stay empty, an nobody sit dea. Den Saul aks Jonathan, “How come Jesse boy David no come fo eat wit me yestaday an today?!”

1 Samuel 20:4

Jonathan tell David, “Wateva you tink, I goin do um fo you.”

1 Samuel 20:6

If yoa faddah look fo me an see dat I no stay, tell um, ‘David wen aks me fo let him go fo him run quick Betlehem side, da town wea his ohana stay. Cuz dey goin make one sacrifice ova dea dat dey make ery year fo all his ohana.’